இந்தியாவுக்கு எதிராக ஐ.எஸ்.ஐ., அல்-குவைதா

al qaeda

நன்றி: தினமலர்

இந்தியாவுக்கு எதிரான பிரசாரம் மற்றும் நடவடிக்கையில், சர்வதேச பயங்கரவாத அமைப்பான அல் – குவைதா, பாகிஸ்தான் ராணுவ அமைப்பான, ஐ.எஸ்.ஐ.,யுடன் கைகோர்த்துள்ளது’ என, நம் ராணுவம் தெரிவித்துள்ளது.

கடந்த ஆகஸ்டில், மத்திய அரசு, ஜம்மு – காஷ்மீருக்கு வழங்கப்பட்ட சிறப்பு அந்தஸ்தை ரத்து செய்ததை எதிர்த்து, உலக நாடுகளிடம் பாகிஸ்தான் புலம்பியும், எந்த வித பலனும் கிடைக்கவில்லை. அடுத்து, டிசம்பரில் இந்தியாவில் நிறைவேற்றப்பட்ட, குடியுரிமை திருத்த சட்டம், சிறுபான்மையினருக்கு எதிரானது என, பாகிஸ்தான் கூக்குரலிட்டும், அந்நாட்டுக்கு ஆதரவாக, முஸ்லிம் நாடுகள் கூட, கருத்து தெரிவிக்கவில்லை.

சவுதி அரேபியாவில் செயல்படும், சர்வதேச பயங்கரவாத அமைப்பான அல் – -குவைதா, சமீபத்தில் வெளியிட்ட அறிக்கை ஒன்றில், ‘இந்தியாவில், சிறுபான்மையினருக்கு எதிரான நடவடிக்கைகள் அதிகரித்துள்ளன. இதை எதிர்த்து, இந்தியாவுக்கு எதிராக, இந்திய முஸ்லிம்களும், முஸ்லிம் அறிஞர்களும், ‘ஜிகாத்’ துவக்க வேண்டும்’ என, கூறப்பட்டிருந்தது.

இது பற்றி, இந்திய ராணுவ உயர் அதிகாரி ஒருவர் கூறியதாவது:இந்தியாவுக்கு எதிராக, பாகிஸ்தான் தொடர்ந்து பொய் பிரசாரம் செய்து வருகிறது. ஆனால், இதை எந்த நாடும் ஆதரிக்கவில்லை. இதையடுத்து, பயங்கரவாத அமைப்பான அல் – குவைதாவை, ஐ.எஸ்.ஐ., துாண்டி விட்டுள்ளது. இது பற்றி, நாம் கவலைப்பட தேவையில்லை. இவ்வாறு அவர் கூறினார்.

உளவுத்துறை அதிகாரி ஒருவர் கூறியதாவது:சமூக வலைதளங்களில், இந்தியாவுக்கு எதிரான பொய் பிரசாரத்தை, பாகிஸ்தான் துாண்டி விடுகிறது. இந்தியாவுக்கு எதிரான பதிவுகளில் பெருமபாலானவை, பாகிஸ்தானியர்களால் பதிவு செய்யப்பட்டவை என்பதை கண்டுபிடித்துள்ளோம். என்று அவர் கூறினார்.

Please follow and like us:

Be the first to comment

  Type Comments in Indian languages (Press Ctrl+g to toggle between English and Tamil OR just Click on the letter)

Leave a Reply

Your email address will not be published.


*