ஒடிசா மாநிலம் சந்திப்பூர் ஏவுதளத்தில் இந்தியாவின் அக்னி–3 இடைநிலை தூர பாலிஸ்டிக் ஏவுகணை வெற்றிகரமாக சோதனை செய்யப்பட்டது. இந்த ஏவுகணை 3,000 முதல் 3,500 கிலோமீட்டர் வரை உள்ள இலக்குகளை மிகத் துல்லியமாக தாக்கும் திறன் பெற்றதாகும்.
அணு ஆயுதங்களை ஏந்திச் செல்லக்கூடிய இந்த ஏவுகணை, திட எரிபொருள் மூலம் இயக்கப்படுவதுடன், மிகுந்த வேகத்தில் இலக்கை அடையும் தன்மை கொண்டது. பாதுகாப்பு ஆராய்ச்சி மற்றும் மேம்பாட்டு அமைப்பு (DRDO) தயாரித்த இந்த ஏவுகணை, இந்தியாவின் பாதுகாப்புத் திறனை உலக அளவில் மேலும் உயர்த்தியுள்ளது.