வாஷிங்டன்: அமெரிக்காவின் டெக்சாஸ் மாநிலத்தில் உள்ள பிரவுன்ஸ்வில் பகுதியில் புதிய எண்ணெய் சுத்திகரிப்பு நிலையம் அமைக்கப்பட உள்ளதாக முன்னாள் அதிபர் டிரம்ப் அறிவித்துள்ளார். கடந்த 50 ஆண்டுகளில் அமெரிக்காவில் உருவாகும் முதல் பெரிய எண்ணெய் சுத்திகரிப்பு திட்டம் இதுவாகும்.
இந்த திட்டம் இந்தியாவின் மிகப்பெரிய தனியார் ஆற்றல் நிறுவனமான ரிலையன்ஸ் இண்டஸ்ட்ரீஸ் லிமிடெட் முதலீட்டின் ஆதரவுடன் உருவாகிறது. மொத்தம் 300 பில்லியன் டாலர் மதிப்பிலான இந்த ஒப்பந்தம் அமெரிக்க வரலாற்றிலேயே மிகப்பெரிய முதலீடுகளில் ஒன்றாக கருதப்படுகிறது.
டெக்சாஸின் பிரவுன்ஸ்வில் துறைமுகத்தில் அமைக்கப்பட உள்ள இந்த புதிய ரிபைனரி, அமெரிக்காவின் எரிசக்தி உற்பத்தியை அதிகரிக்கும். மேலும் உலக சந்தைகளுக்கு ஏற்றுமதி செய்யும் திறனை உயர்த்தும் என்று தெரிவிக்கப்பட்டுள்ளது.
இந்த திட்டம் அமெரிக்க தொழிலாளர்களுக்கு ஆயிரக்கணக்கான வேலைவாய்ப்புகளை உருவாக்கும் என்றும், தென் டெக்சாஸ் பகுதியின் பொருளாதார வளர்ச்சிக்கு பெரிய ஆதாரமாக இருக்கும் என்றும் டிரம்ப் கூறியுள்ளார்.
மேலும் இந்த ரிபைனரி உலகிலேயே மிகவும் தூய்மையான எண்ணெய் சுத்திகரிப்பு நிலையங்களில் ஒன்றாக இருக்கும் என்றும், அமெரிக்காவின் தேசிய பாதுகாப்பு மற்றும் எரிசக்தி துறைக்கு பெரும் பலன்களை வழங்கும் என்றும் அவர் தெரிவித்தார்.