ஈடன் கார்டனில் கொல்கட்டாவை வீழ்த்திய ஐதராபாத் – 65 ரன் வெற்றி

கொல்கட்டா ஈடன் கார்டன் மைதானத்தில் நடைபெற்ற கிரிக்கெட் லீக் போட்டியில், கொல்கட்டா அணி மற்றும் ஐதராபாத் அணி மோதின. டாஸ் வென்ற கொல்கட்டா கேப்டன் ரகானே பந்துவீச்சை தேர்வு செய்தார். முதலில் பேட்டிங் செய்த ஐதராபாத் அணிக்கு டிராவிஸ் ஹெட் மற்றும் அபிஷேக் சர்மா ஜோடி அதிரடியான துவக்கத்தை அளித்தது. முதல் சில ஓவர்களிலேயே பவுண்டரி, சிக்சர் மழை பொழிந்து ரன் வேகத்தை அதிகரித்தனர். ஹெட் 21 பந்துகளில் 46 ரன்கள் எடுத்தார். அபிஷேக் சர்மா 21 பந்துகளில் 48 ரன்கள் சேர்த்து அணிக்கு வலுவான அடித்தளத்தை அமைத்தார். பின்னர் இஷான் கிஷான் மற்றும் கிளாசன் இணைந்து அணியின் ஸ்கோரை உயர்த்தினர். கிளாசன் 35 பந்துகளில் 52 ரன்கள் எடுத்து அரைசதம் அடித்தார். இதனால் ஐதராபாத் அணி 20 ஓவர்களில் 226/8 ரன்கள் குவித்தது. பந்துவீச்சில் கொல்கட்டா அணிக்காக முசரபானி 4 விக்கெட் எடுத்து சிறப்பாக விளங்கினார். பின்னர் இலக்கை துரத்திய கொல்கட்டா அணிக்கு ஆரம்பத்தில் ஆலன் அதிரடி காட்டினாலும், அவர் விரைவில் அவுட்டானார். ரகுவன்ஷி 29 பந்துகளில் 52 ரன்கள் எடுத்து போராடினார். ரிங்கு சிங் 35 ரன்கள் எடுத்தார். ஆனால் மற்ற வீரர்கள் தொடர்ந்து அவுட்டாகியதால், கொல்கட்டா அணி 16 ஓவர்களில் 161 ரன்களுக்கு ஆல் அவுட்டாகி, 65 ரன்கள் வித்தியாசத்தில் தோல்வியை சந்தித்தது.