மாணவியுடன் அமைச்சர் நடந்துகொண்ட விதம் சர்ச்சை; வைரலாகும் வீடியோ

மேலூரில் நடைபெற்ற நிகழ்ச்சி ஒன்றில் காங்கிரஸ் அமைச்சர் விஸ்வநாதன் தொடர்பான வீடியோ சமூக வலைதளங்களில் பரவி புதிய சர்ச்சையை ஏற்படுத்தியுள்ளது. சில நாட்களுக்கு முன் மேலூர் அரசு ஆண்கள் மேல்நிலைப் பள்ளியில் நடைபெற்ற விழாவில் அமைச்சர் விஸ்வநாதன் கலந்து கொண்டார். நிகழ்ச்சியின் போது அவர் மேற்கொண்ட சில செயல்கள் ஏற்கனவே விவாதத்திற்குள்ளான நிலையில், தற்போது மற்றொரு வீடியோ சமூக வலைதளங்களில் வைரலாகியுள்ளது. அந்த வீடியோவில், மாரத்தான் போட்டியில் பங்கேற்ற மாணவியருடன் அமைச்சர் உரையாடும் காட்சிகள் இடம்பெற்றுள்ளன. அமர்ந்திருந்த ஒரு மாணவியிடம் அமைச்சர் நெருக்கமாக பேசியதாகவும், அவரது நடத்தை குறித்து சமூக வலைதளங்களில் பல்வேறு விமர்சனங்கள் எழுந்துள்ளதாகவும் கூறப்படுகிறது. இந்த வீடியோ வெளியாகியதைத் தொடர்ந்து, அமைச்சரின் செயல்பாடு குறித்து அரசியல் வட்டாரங்களிலும் சமூக ஊடகங்களிலும் விவாதம் தீவிரமடைந்துள்ளது. சம்பவம் தொடர்பாக பல்வேறு தரப்பினரும் தங்களது கருத்துகளை பதிவு செய்து வருகின்றனர்.