கோவில் கருவறையில் முதல்வர் விஜய் படம்: ஹிந்து முன்னணி கடும் எதிர்ப்பு

முதல்வர் விஜயின் பிறந்தநாள் கொண்டாட்டங்களின் போது சில கோவில்களில் அவரது புகைப்படம் கருவறையில் வைக்கப்பட்டு சிறப்பு பூஜைகள் நடைபெற்றதாக கூறி, ஹிந்து முன்னணி கடும் கண்டனம் தெரிவித்துள்ளது. ஹிந்து முன்னணி மாநிலத் தலைவர் காடேஸ்வரா சுப்பிரமணியம் வெளியிட்டுள்ள அறிக்கையில், முதல்வர் விஜய்க்கு பிறந்தநாள் வாழ்த்துகளை தெரிவித்ததுடன், தமிழகத்திற்கு நல்லாட்சி வழங்க நீண்ட ஆயுளும் ஆரோக்கியமும் கிடைக்க வேண்டுமென வாழ்த்தினார். அதே நேரத்தில், பழநி கோவிலில் த.வெ.க. மாவட்டச் செயலாளர் கார்த்திக் ராஜா தங்கத் தேரில் விஜய் புகைப்படத்தை வைத்து வழிபாடு நடத்தியதாகவும், நாமக்கல் மற்றும் கிருஷ்ணகிரி மாவட்டங்களில் சில கோவில்களின் கருவறைகளில் தெய்வங்களுடன் இணைத்து விஜய் புகைப்படம் வைத்து சிறப்பு பூஜைகள் நடைபெற்றதாகவும் அவர் குற்றம்சாட்டினார். இந்த செயல்கள் பக்தர்களின் மத உணர்வுகளை பாதிக்கும் வகையில் உள்ளதாக ஹிந்து முன்னணி தெரிவித்துள்ளது. மேலும், கோவில் கருவறையில் தெய்வங்களுக்கு இணையாக அரசியல் தலைவர்களின் படங்களை வைத்து வழிபாடு நடத்துவது ஏற்றுக்கொள்ள முடியாதது என்றும், இது போன்ற சம்பவங்கள் மீண்டும் நடைபெறாத வகையில் முதல்வர் விஜய் தனது கட்சியினருக்கு உரிய அறிவுறுத்தல்களை வழங்க வேண்டும் என்றும் வலியுறுத்தியுள்ளது. இந்த குற்றச்சாட்டுகள் குறித்து சம்பந்தப்பட்ட தரப்பினரின் அதிகாரப்பூர்வ விளக்கம் வெளியாகவில்லை.