த.வெ.க.,வுக்கு திருமாவளவன் அறிவுரை | அதிமுக எம்.எல்.ஏ., தாவல் விவகாரம்

கோவை விமான நிலையத்தில் செய்தியாளர்களை சந்தித்த வி.சி.க., தலைவர் திருமாவளவன், தமிழக அரசியல் சூழ்நிலை குறித்து கருத்து தெரிவித்தார். தமிழகத்தில் நிலையான ஆட்சி தொடரவும், ஜனாதிபதி ஆட்சி ஏற்படாமல் தடுக்கவும் இடதுசாரி கட்சிகளுடன் இணைந்து த.வெ.க., அரசுக்கு ஆதரவு அளித்ததாக அவர் கூறினார். அமைச்சரவையில் இணைந்தது த.வெ.க.,வின் அழைப்பை ஏற்றே என தெரிவித்த அவர், எந்த சூழ்நிலையிலும் த.வெ.க., அரசு கவிழ அனுமதிக்க மாட்டோம் என்றார். மேலும், அ.தி.மு.க.,வில் இருந்து எம்.எல்.ஏ.,க்கள் ராஜினாமா செய்து த.வெ.க.,வில் சேர்வது அரசியலுக்கு நல்ல முன்னுதாரணம் அல்ல என்றும், அத்தகையவர்களை த.வெ.க., ஊக்குவிக்கக் கூடாது என்றும் வலியுறுத்தினார். இது த.வெ.க.,வின் நம்பகத்தன்மையை பாதிக்கும் என்பதால், கட்சி இனி மிகுந்த கவனத்துடன் செயல்பட வேண்டும் என திருமாவளவன் அறிவுரை வழங்கினார்.