அதிமுக 3ஆம் கட்ட வேட்பாளர் பட்டியல் வெளியீடு: திருவிக நகர் தொகுதியில் ஆம்ஸ்ட்ராங் மனைவி போட்டி

சென்னை: எடப்பாடி கே. பழனிசாமி தலைமையில் அதிமுக தனது 3ஆம் கட்ட வேட்பாளர் பட்டியலை இன்று (மார்ச் 29) வெளியிட்டுள்ளது. தமிழக சட்டசபை தேர்தல் வரும் ஏப்ரல் 23ஆம் தேதி நடைபெறவுள்ள நிலையில், அதிமுக தலைமையிலான கூட்டணி கட்சிகளுடன் தொகுதி பங்கீடு பேச்சுவார்த்தை முடிவடைந்துள்ளது. கூட்டணி கட்சிகளுக்கான இடங்களைத் தவிர்த்து, அதிமுக 167 தொகுதிகளில் நேரடியாக களம் காண்கிறது. இந்த நிலையில் வெளியிடப்பட்ட 3ஆம் கட்ட பட்டியலில் சென்னையைச் சேர்ந்த முக்கிய தொகுதிகளுக்கான வேட்பாளர்கள் அறிவிக்கப்பட்டுள்ளனர். குறிப்பாக திருவிக நகர் தொகுதியில் மறைந்த ஆம்ஸ்ட்ராங் அவர்களின் மனைவி பொற்கொடி போட்டியிடுவது கவனத்தை ஈர்த்துள்ளது. முக்கிய வேட்பாளர்கள் பட்டியல்: ஆயிரம் விளக்கு – வளர்மதி அண்ணாநகர் – கோகுல இந்திரா சேப்பாக்கம்-திருவல்லிக்கேணி – ஆதிராஜாராம் துறைமுகம் – ராயபுரம் மனோ விருகம்பாக்கம் – விருகை ரவி தியாகராய நகர் – சத்யநாராயணன் வேளச்சேரி – அசோக் சோழிங்கநல்லூர் – கந்தன் டாக்டர் ராதாகிருஷ்ணன் நகர் – ராஜேஷ் வில்லிவாக்கம் – விஜயகுமார் ஆலந்தூர் – சரவணன் கொளத்தூர் – சந்தான கிருஷ்ணன் திருவிக நகர் – பொற்கொடி எழும்பூர் – அபிஷேக் ரங்கசாமி ஏற்கனவே அதிமுக முதற்கட்டமாக 23 நட்சத்திர வேட்பாளர்கள் பட்டியலையும், இரண்டாம் கட்டமாக 127 வேட்பாளர்கள் பட்டியலையும் வெளியிட்டுள்ளது குறிப்பிடத்தக்கது.