பெங்களூரு

முன்னாள் பாராளுமன்ற உறுப்பினரும் நடிகையுமான விஜயசாந்தி பெங்களூரு சிறையில் சசிகலாவை சந்தித்துள்ளார்.

அமமுக பொது செயலாளரான சசிகலா சொத்துக் குவிப்பு வழக்கில் தண்டனை அளிக்கப்பட்டு தற்போது பெங்களூரு சிறையில் அடைக்கப்பட்டுள்ளார். சசிகலாவை அக்கட்சியின் துணைப் பொதுச் செயலாளர் டிடிவி தினகரன் அடிக்கடி சந்தித்து வருகிறார். அத்துடன் தகுடி நீக்கம் செய்யப்பட்ட தமிழக சட்டப்பேரவை உறுப்பினர்களும் சசிகலாவை சந்திக்கின்றனர்.

முன்னாள் பாராளுமன்ற உறுப்பினரும் நடிகையுமான விஜயசாந்தி சமீபத்தில் சசிகலாவை சந்தித்துள்ளார். இது குறித்து சிறை வட்டாரங்கள் ”காங்கிரஸ் செய்தித் தொடர்பாளரான விஜயசாந்தி சிறைத்துறையினரின் அனுமதியுடன் சசிகலாவை தனிமையில் சந்தித்தார். அவர்கள் இருவரும் சுமார் 1 மணி நேரத்துக்கு மேல் தனிமையில் பேசிக் கொண்டிருந்தன்ர்.” என தெரிவித்துள்ளது.

பெயர் சசிகலாவுக்கு நெருக்கமான ஒருவர், “விஜயசாந்திக்கும் சசிகலாவுக்கும் ஏற்கனவே நெருங்கிய தொடர்பு உள்ளது. ஜெயலலிதா மற்றும் நடராஜன் மறைவின் போது விஜயசாந்தி நேரில் சந்தித்து ஆறுதல் கூறி உள்ளார். பல நாட்களாக அவர் சசிகலாவை சந்திக்க அனுமதி கேட்டிருந்தார். தற்போதைய சந்திப்பில் காங்கிரஸ் கூட்டணிக்கு சசிகலாவின் ஆதரவை விஜயசாந்தி கேட்டுள்ளார்” என தெரிவித்துள்ளார்.