புதுடில்லி:

தமிழகத்தின் முன்னாள் முதல்வர் J. Jayalalithaa அவர்களின் பிறந்த நாளை முன்னிட்டு, பிரதமர் Narendra Modi அவரை நினைவுகூர்ந்து எக்ஸ் (X) சமூக வலைதளத்தில் தமிழில் பதிவு வெளியிட்டுள்ளார்.

அந்த பதிவில், ஜெயலலிதா கருணை மற்றும் உறுதி ஆகிய பண்புகளை கொண்ட தலைவராக திகழ்ந்தார் என்று அவர் குறிப்பிட்டுள்ளார். மனம் கவர்ந்த தலைவராகவும், திறமையான நிர்வாகியாகவும் எண்ணற்ற மக்களின் இதயங்களில் நிலைத்தவர் என்றும் புகழாரம் சூட்டியுள்ளார்.

தமிழக முதல்வராக இருந்த காலத்தில் பெண்களுக்கு அதிகாரமளித்தல், சமூக நீதி, அனைவரையும் உள்ளடக்கிய நலத்திட்டங்கள் ஆகியவற்றை முன்னிறுத்திய ஆட்சியாளராக அவர் விளங்கினார் என பிரதமர் குறிப்பிட்டுள்ளார்.

மேலும், ஜெயலலிதாவுடன் நடந்த தனது கலந்துரையாடல்களை மகிழ்ச்சியுடன் நினைவுகூர்ந்த அவர், இந்த மாத ‘மன் கி பாத்’ நிகழ்ச்சியில் தெரிவித்த கருத்துகளையும் இணைத்துள்ளார்.