ஆனைமங்கலம் செப்பேடு இந்தியா திரும்புகிறது: சோழர் வரலாற்றின் அரிய பொக்கிஷம்

தமிழகத்தின் வரலாற்று பெருமையை உலகிற்கு எடுத்துக்காட்டும் ஆனைமங்கலம் செப்பேடு, பல நூற்றாண்டுகளுக்குப் பிறகு மீண்டும் இந்தியா திரும்புகிறது. நெதர்லாந்தில் உள்ள Leiden University Libraryயில் “Leiden Copper Plates” என்ற பெயரில் 300 ஆண்டுகளுக்கும் மேலாக பாதுகாக்கப்பட்டிருந்த இந்த செப்பேடு, தற்போது இந்தியாவிடம் ஒப்படைக்கப்பட்டுள்ளது. சோழர் காலத்தின் முக்கிய ஆவணமாக கருதப்படும் இந்த செப்பேடு, Rajendra Chola I தனது தந்தை Rajaraja Chola I வழங்கிய நிலதானம் தொடர்பான செப்பு பட்டயமாகும். இந்த ஆவணம் சமஸ்கிருதம் மற்றும் தமிழ் மொழிகளில் எழுதப்பட்டுள்ளது. மொத்தம் 21 செப்பேடுகளில், சோழர் கால ஆட்சி, நிலதானம், மத நல்லிணக்கம் மற்றும் கடல் வணிக உறவுகள் பற்றிய முக்கிய தகவல்கள் இடம்பெற்றுள்ளன. சோழர் காலத்தில், தற்போதைய மலேஷியா மற்றும் இந்தோனேஷியா பகுதிகளை ஆட்சி செய்த ஸ்ரீவிஜய பேரரசின் மன்னர், நாகப்பட்டினத்தில் புத்த விகாரம் கட்ட அனுமதி கேட்டதை தொடர்ந்து, ஆனைமங்கலம் கிராமம் நிலதானமாக வழங்கப்பட்டது. அந்த வரலாற்றுச் செய்தியே இந்த செப்பேட்டில் பதிவு செய்யப்பட்டுள்ளது. சைவ சமயத்தை பின்பற்றிய சோழர்கள், பவுத்தர்களுக்காக நிலம் வழங்கிய இந்த ஆவணம், மத நல்லிணக்கத்தின் அரிய சான்றாக கருதப்படுகிறது. 18ஆம் நூற்றாண்டில் டச்சு ஆட்சிக் காலத்தில், இந்த செப்பேடு நெதர்லாந்துக்கு கொண்டு செல்லப்பட்டது. பின்னர் அது லைடன் பல்கலைக்கழக நூலகத்தில் காட்சிப் பொருளாக பாதுகாக்கப்பட்டது. இந்தியாவின் பாரம்பரிய சொத்தாக இதை மீட்க, மத்திய அரசு, தொல்லியல் துறை, இந்திய தூதரகம், UNESCO உள்ளிட்ட அமைப்புகள் இணைந்து நீண்டகால முயற்சி மேற்கொண்டன. இதன் பலனாக, நெதர்லாந்து அரசு முன்னிலையில், இந்திய பிரதமர் Narendra Modiயிடம் ஆனைமங்கலம் செப்பேடு அதிகாரப்பூர்வமாக ஒப்படைக்கப்பட்டது. இந்த மீட்பு, தமிழர்களின் வரலாறு, மத நல்லிணக்கம், கடல் வணிகம் மற்றும் சர்வதேச உறவுகளை உலகிற்கு மீண்டும் எடுத்துச் செல்லும் முக்கிய நிகழ்வாக பார்க்கப்படுகிறது.