சென்னை அணி பிளே-ஆப் வாய்ப்பை இழந்து வெளியேறியது | குஜராத் அதிரடி வெற்றி

ஆமதாபாத் மோடி மைதானத்தில் நடைபெற்ற முக்கிய லீக் போட்டியில், சென்னை அணி குஜராத்திடம் மோசமான தோல்வி அடைந்து, பிளே-ஆப் வாய்ப்பை இழந்து தொடரிலிருந்து வெளியேறியது. முதலில் பேட்டிங் செய்த குஜராத் அணிக்கு Shubman Gill மற்றும் Sai Sudharsan அதிரடியான தொடக்கம் கொடுத்தனர். இருவரும் சென்னை பந்துவீச்சை சிதறடித்து முதல் விக்கெட்டுக்கு 125 ரன் சேர்த்தனர். கேப்டன் Shubman Gill 64 ரன்களும், Sai Sudharsan 84 ரன்களும் எடுத்தனர். பின்னர் Jos Buttler 57 ரன்கள் விளாசியதால் குஜராத் அணி 20 ஓவரில் 229/4 ரன் என்ற பெரிய ஸ்கோரை பதிவு செய்தது. 230 ரன் என்ற கடின இலக்கை துரத்திய சென்னை அணிக்கு தொடக்கத்திலேயே அதிர்ச்சி ஏற்பட்டது. Mohammed Siraj மிரட்டலான பந்துவீச்சால் சென்னை அணியின் டாப் ஆர்டர் விரைவில் சரிந்தது. கேப்டன் Ruturaj Gaikwad உட்பட முக்கிய வீரர்கள் ஏமாற்றிய நிலையில், ஷிவம் துபே மட்டும் 47 ரன்கள் எடுத்து போராடினார். ஆனால் மற்ற வீரர்கள் நிலைக்காததால், சென்னை அணி 13.4 ஓவரில் 140 ரன்னுக்கு ஆல் அவுட்டாகி 89 ரன் வித்தியாசத்தில் தோல்வி அடைந்தது. இந்த தோல்வியால் சென்னை அணி பிளே-ஆப் வாய்ப்பை இழந்து தொடரிலிருந்து வெளியேறியது. இது சென்னை அணியின் வரலாற்றில் 5வது முறையாக லீக் சுற்றோடு வெளியேறும் சம்பவமாகும். மறுபுறம், குஜராத் அணி தனது ஆதிக்கத்தை தொடர்ந்ததுடன், சுப்மன் கில் மற்றும் சாய் சுதர்சன் இந்த சீசனிலும் ரன் வேட்டையை தொடர்ந்து ரசிகர்களை கவர்ந்தனர்.