இந்தியா செமிகண்டக்டர் உற்பத்தியில் முன்னேற்றம் | மோடி பேச்சு | குஜராத் ஆலை

குஜராத் மாநிலம் ஆமதாபாத் அருகே உள்ள சானந்தில் அமைந்துள்ள 'கேன்ஸ் செமிகான்' நிறுவனத்தின் செமிகண்டக்டர் உற்பத்தி ஆலையை பிரதமர் நரேந்திர மோடி திறந்து வைத்தார். இந்த நிகழ்ச்சியில் அவர் பேசியதாவது: 2021ஆம் ஆண்டில் உலகளவில் செமிகண்டக்டர் பற்றாக்குறை ஏற்பட்டதைத் தொடர்ந்து, இந்தியா இந்த துறையில் தன்னிறைவு அடைய முக்கியமான தொலைநோக்கு திட்டத்தை அறிமுகப்படுத்தியது. இது வெறும் தொழில் கொள்கை மட்டுமல்ல, நாட்டின் தொழில்நுட்ப வளர்ச்சியை வெளிப்படுத்தும் முயற்சியாகும். மேலும், அனைத்து உற்பத்தித் துறைகளிலும் இந்தியாவை வலுப்படுத்தும் நோக்கில், இந்தத் திட்டத்தின் இரண்டாவது கட்டம் சமீபத்திய மத்திய பட்ஜெட்டில் அறிவிக்கப்பட்டுள்ளது. சானந்தில் துவங்கியுள்ள இந்த புதிய செமிகண்டக்டர் ஆலை, உலகளாவிய சிப் விநியோக சங்கிலியில் இந்தியாவின் இடத்தை வலுப்படுத்துகிறது. இது பொருளாதார போட்டி மட்டுமல்ல, எதிர்கால தொழில்நுட்ப சூழலை வடிவமைக்கும் முக்கியமான கட்டமாகும். இந்த முயற்சிகள் மூலம், உலக சந்தைக்கு நம்பகமான செமிகண்டக்டர் வழங்கும் நாடாக இந்தியா உருவாகி வருவதாக பிரதமர் மோடி தெரிவித்துள்ளார்.