பெனால்டி ஷூட்டில் ஆஸ்திரேலியாவை வீழ்த்திய எகிப்து; வரலாற்றில் முதல் நாக்-அவுட் வெற்றி

பிபா உலகக் கோப்பை கால்பந்து தொடரின் ரவுண்ட்-32 போட்டியில் ஆஸ்திரேலியா மற்றும் எகிப்து அணிகள் மோதின. போட்டியின் 13-வது நிமிடத்தில் எமாம் ஆஷூர் தலையால் கோல் அடித்து எகிப்தை முன்னிலைப்படுத்தினார். இரண்டாம் பாதியில் ஆஸ்திரேலியா தாக்குதலை அதிகரித்தது. 55-வது நிமிடத்தில் எய்டன் ஓ'நீல் அடித்த பந்தை தடுக்க முயன்ற எகிப்து வீரர் முகமது ஹானி தவறுதலாக சொந்த கோல் அடித்ததால் ஆட்டம் 1-1 என சமநிலையை எட்டியது. 90 நிமிடங்களும், கூடுதல் நேரமும் முடிந்தபின்னரும் வெற்றியாளர் தீர்மானிக்கப்படாததால் போட்டி பெனால்டி ஷூட்-அவுட்டுக்கு சென்றது. ஷூட்-அவுட்டை முன்னிட்டு ஆஸ்திரேலியா தனது அனுபவம் வாய்ந்த கோல்கீப்பர் மேத்யூ ரயானை களமிறக்கியது. ஆனால் அந்த முடிவு பலனளிக்கவில்லை. எகிப்து அணிக்காக முகமது சலா, முகமது சாபர், ரமி ராபியா மற்றும் ஹோசாம் அப்தெல்மஜீத் தலா ஒரு பெனால்டியை வெற்றிகரமாக கோலாக மாற்றினர். இறுதியில் எகிப்து 4-2 என்ற கணக்கில் பெனால்டி ஷூட்-அவுட்டில் வெற்றி பெற்று அடுத்த சுற்றுக்கு முன்னேறியது. இந்த வெற்றியின் மூலம் உலகக் கோப்பை வரலாற்றில் முதன்முறையாக நாக்-அவுட் சுற்றில் வெற்றி பெற்ற எகிப்து அணி, ரவுண்ட்-16 சுற்றில் இடம்பிடித்து புதிய சாதனை படைத்துள்ளது.