திருமாவளவன் கவலை: வி.சி.க. நிர்வாகிகள் கட்சி தாவுவதை தடுக்க வேண்டுகோள்?

விடுதலை சிறுத்தைகள் கட்சியில் இருந்து முக்கிய நிர்வாகிகள் பிற அரசியல் கட்சிகளுக்கு செல்லும் வாய்ப்பு அதிகரித்துள்ளதாக கூறப்படும் நிலையில், கட்சித் தலைவர் திருமாவளவன் அதனைத் தடுக்க பல்வேறு முயற்சிகளை மேற்கொண்டு வருவதாக தகவல்கள் வெளியாகியுள்ளன. அரசியல் வட்டாரங்களில் பரவும் தகவல்களின் படி, வி.சி.க. நிர்வாகிகள் சிலர் திமுக மற்றும் ஆளுங்கட்சியான தவெக-வில் இணைய ஆர்வம் காட்டுவதாக கூறப்படுகிறது. இதையடுத்து, வி.சி.க.வில் இருந்து வரும் நிர்வாகிகளை உடனடியாக சேர்த்துக்கொள்ள வேண்டாம் என சம்பந்தப்பட்ட கட்சித் தலைமைகளிடம் திருமாவளவன் கோரிக்கை வைத்துள்ளதாக தகவல்கள் தெரிவிக்கின்றன. மேலும், கட்சிக்குள் அதிருப்தியில் உள்ள நிர்வாகிகளுடன் நேரடியாக பேச்சுவார்த்தை நடத்தி அவர்களை சமாதானப்படுத்தும் முயற்சியிலும் அவர் ஈடுபட்டுள்ளதாக கூறப்படுகிறது. இதற்கிடையில், வி.சி.க. தனது அரசியல் பரப்பை விரிவுபடுத்தும் நோக்கில் தெலுங்கானா உள்ளிட்ட மாநிலங்களில் கட்சியை வலுப்படுத்தும் பணிகளையும் முன்னெடுத்து வருகிறது.