உலகக் கோப்பை: ஆஸ்திரியாவை 3-0 என வீழ்த்தி ரவுண்டு-16க்கு முன்னேறிய ஸ்பெயின்

அமெரிக்கா, கனடா மற்றும் மெக்சிகோவில் நடைபெற்று வரும் பிபா உலகக் கோப்பை கால்பந்து தொடரின் ரவுண்டு-32 போட்டியில், ஸ்பெயின் அணி ஆஸ்திரியாவை 3-0 என்ற கோல் கணக்கில் வீழ்த்தி அடுத்த சுற்றுக்கு முன்னேறியது. ஆட்டம் தொடங்கியதிலிருந்தே பந்தின் கட்டுப்பாட்டை தக்க வைத்துக் கொண்ட ஸ்பெயின், முதல் பாதியில் ஆதிக்கம் செலுத்தியது. 36வது நிமிடத்தில் மைக்கேல் ஒயர்சபால் முதல் கோலை அடித்து அணிக்கு முன்னிலை பெற்றுத் தந்தார். இதனால் முதல் பாதி முடிவில் ஸ்பெயின் 1-0 என முன்னிலையில் இருந்தது. இரண்டாவது பாதியிலும் தாக்குதல் ஆட்டத்தை தொடர்ந்த ஸ்பெயின், 66வது நிமிடத்தில் பெட்ரோ போரோ மூலம் இரண்டாவது கோலை பதிவு செய்தது. ஆட்டத்தின் இறுதிக்கட்டமான 89வது நிமிடத்தில் மைக்கேல் ஒயர்சபால் தனது இரண்டாவது கோலை அடித்து அணியின் வெற்றியை உறுதி செய்தார். ஆட்டநேர முடிவில் 3-0 என்ற கணக்கில் வெற்றி பெற்ற ஸ்பெயின், ரவுண்டு-16 சுற்றுக்கு தகுதி பெற்றது. தோல்வியடைந்த ஆஸ்திரியா அணி உலகக் கோப்பை தொடரிலிருந்து வெளியேறியது.