உலகக் கோப்பை கால்பந்து: ஸ்பெயின் நாக்-அவுட் சுற்றுக்கு தகுதி – உருகுவே வெளியேற்றம்

உலகக் கோப்பை கால்பந்து தொடரின் லீக் சுற்று ஆட்டங்கள் விறுவிறுப்பாக நடைபெற்று வரும் நிலையில், ஸ்பெயின் அணி நாக்-அவுட் சுற்றுக்கு முன்னேறியது. அதே நேரத்தில் உருகுவே அணி தொடரிலிருந்து வெளியேறியது. லீக் சுற்றில் மூன்று போட்டிகளில் இரண்டு வெற்றி மற்றும் ஒரு டிராவுடன் மொத்தம் 7 புள்ளிகள் பெற்ற ஸ்பெயின் அணி தனது பிரிவில் முதலிடம் பிடித்து அடுத்த சுற்றுக்குத் தகுதி பெற்றது. மறுபுறம், இரண்டு டிரா மற்றும் ஒரு தோல்வியுடன் வெறும் 2 புள்ளிகள் மட்டுமே பெற்ற உருகுவே அணி வெளியேறியது. இதனிடையே, கனடாவின் வான்கூவரில் நடைபெற்ற 'ஜி' பிரிவு ஆட்டத்தில் பெல்ஜியம் அணி 5-1 என்ற கோல் கணக்கில் நியூசிலாந்தை வீழ்த்தியது. டிராஸ்சார்டு இரண்டு கோல்கள் அடித்ததுடன், டி புரூய்ன், லுகாகு மற்றும் சலேமேக்கர்ஸ் தலா ஒரு கோல் பதிவு செய்தனர். அமெரிக்காவின் சியாட்டிலில் நடைபெற்ற மற்றொரு 'ஜி' பிரிவு ஆட்டத்தில் எகிப்து மற்றும் ஈரான் அணிகள் 1-1 என்ற கோல் கணக்கில் டிரா செய்தன. லீக் சுற்று முடிவில் தலா 5 புள்ளிகள் பெற்ற பெல்ஜியம் மற்றும் எகிப்து அணிகள் நாக்-அவுட் சுற்றுக்கு தகுதி பெற்றன. மூன்று போட்டிகளிலும் டிரா செய்த ஈரான் அணி, சிறந்த மூன்றாவது இட அணிகளில் ஒன்றாகத் தேர்வாகும் வாய்ப்புக்காக காத்திருக்கிறது. நியூசிலாந்து அணி தொடரிலிருந்து வெளியேறியது.