உலகக்கோப்பை கால்பந்து: நார்வேயை வீழ்த்திய பிரான்ஸ்; ஈராக்கை 5 கோல்களில் துவம்சம் செய்த செனகல்

உலகக்கோப்பை கால்பந்து தொடரின் லீக் போட்டிகளில் பிரான்ஸ் மற்றும் செனகல் அணிகள் அபார ஆட்டத்தை வெளிப்படுத்தி முக்கியமான வெற்றிகளை பதிவு செய்தன. பிரான்ஸ் 4-1 நார்வே: 'குரூப் ஐ' பிரிவு லீக் ஆட்டத்தில் முன்னாள் சாம்பியனான பிரான்ஸ் அணி, நார்வேயை 4-1 என்ற கோல் கணக்கில் வீழ்த்தியது. ஆட்டத்தின் தொடக்கத்திலிருந்தே ஆதிக்கம் செலுத்திய பிரான்ஸ் அணிக்காக உஸ்மான் டெம்பேலே 7, 20 மற்றும் 32-வது நிமிடங்களில் தொடர்ந்து மூன்று கோல்கள் அடித்து ஹாட்ரிக் சாதனை படைத்தார். நார்வே தரப்பில் தேலோ அஸ்கார்ட் ஒரு கோல் அடித்தார். கூடுதல் நேரத்தில் டிசைர் டோவோ மேலும் ஒரு கோல் அடித்து பிரான்ஸ் வெற்றியை உறுதி செய்தார். செனகல் 5-0 ஈராக்: மற்றொரு லீக் ஆட்டத்தில், தொடரில் நீடிக்க வெற்றி அவசியமான நிலையில் களமிறங்கிய செனகல் அணி, ஈராக்கை 5-0 என்ற கோல் கணக்கில் வீழ்த்தியது. ஹபீப் தியாரா, இஸ்மாய்லா சார், பாப் காயே (2 கோல்கள்) மற்றும் லில்மன் என்டாயே ஆகியோர் தலா கோல்கள் அடித்து அணியின் பிரமாண்ட வெற்றிக்கு காரணமாகினர். இந்த வெற்றியின் மூலம் பிரான்ஸ் தனது ஆதிக்கத்தை தொடர்ந்ததுடன், செனகல் அடுத்த சுற்று வாய்ப்பை உயிர்ப்புடன் வைத்துள்ளது.