வைபவ் சூர்யவன்ஷி 93 ரன் சூறாவளி: லக்னோவை வீழ்த்திய ராஜஸ்தான்

ஜெய்ப்பூரில் நடைபெற்ற கிரிக்கெட் லீக் போட்டியில், இளம் நட்சத்திரம் Vaibhav Suryavanshi அதிரடி ஆட்டத்தால் ராஜஸ்தான் அணி முக்கிய வெற்றியை பதிவு செய்தது. முதலில் பேட்டிங் செய்த லக்னோ அணிக்கு Mitchell Marsh மற்றும் Josh Inglis சிறப்பான தொடக்கம் தந்தனர். இங்லிஸ் 60 ரனும், மார்ஷ் 96 ரனும் எடுத்ததால் லக்னோ அணி 20 ஓவரில் 220/5 ரன் குவித்தது. 221 ரன் என்ற கடின இலக்கை துரத்திய ராஜஸ்தான் அணிக்கு Yashasvi Jaiswal மற்றும் Vaibhav Suryavanshi அதிரடி தொடக்கம் தந்தனர். ஜெய்ஸ்வால் 43 ரன் எடுத்த நிலையில் அவுட்டானார். இதன்பின், வைபவ் சூர்யவன்ஷி தனது அதிரடி பேட்டிங்கால் போட்டியின் போக்கையே மாற்றினார். குறிப்பாக ஒரு ஓவரில் 29 ரன் குவித்து லக்னோ அணியின் பந்துவீச்சை சிதறடித்தார். வைபவ் 38 பந்துகளில் 93 ரன் குவித்து சதத்தை நெருங்கிய நிலையில் அவுட்டானார். அவரது இன்னிங்சில் 7 பவுண்டரிகள் மற்றும் 10 சிக்சர்கள் இடம்பெற்றன. மறுபுறம் Dhruv Jurel 53 ரன்களும், Kusal Perera இறுதியில் அதிரடியாக விளையாடி வெற்றியை உறுதி செய்தனர். ராஜஸ்தான் அணி 19.1 ஓவரில் 225/3 ரன் எடுத்து வெற்றி பெற்று, பிளே-ஆப் வாய்ப்பை தக்க வைத்துக் கொண்டது. இந்த சீசனில் 15 வயதான வைபவ் சூர்யவன்ஷி 13 போட்டிகளில் 579 ரன் எடுத்து அதிக ரன் எடுத்தவர் பட்டியலில் முதலிடத்துக்கு முன்னேறியுள்ளார். மேலும், ஒரு சீசனில் 53 சிக்சர்கள் அடித்து சாதனைப் பட்டியலிலும் முன்னிலை வகித்து வருகிறார்.