வெனிசுலா நிலநடுக்கம்: பலி 2,300-ஐ நெருங்கியது; 7 நாள் தேசிய துக்கம் அறிவிப்பு

வெனிசுலாவை தாக்கிய சக்திவாய்ந்த இரட்டை நிலநடுக்கத்தின் தாக்கம் தொடர்ந்து அதிகரித்து வரும் நிலையில், உயிரிழந்தோர் எண்ணிக்கை 2,300-ஐ நெருங்கியுள்ளது. பேரிடரால் பாதிக்கப்பட்ட மக்களின் நினைவாக அந்நாட்டில் ஏழு நாள் தேசிய துக்கம் அனுசரிக்கப்படுவதாக இடைக்கால அதிபர் டெல்சி ரோட்ரிக்ஸ் அறிவித்துள்ளார். கடந்த வாரம் 39 வினாடி இடைவெளியில் ரிக்டர் அளவுகோலில் 7.2 மற்றும் 7.5 என பதிவான இரண்டு நிலநடுக்கங்கள் வெனிசுலாவின் பல பகுதிகளை கடுமையாக பாதித்தன. குறிப்பாக தலைநகர் கராகஸுக்கு வடக்கே உள்ள லா குவைரா நகரம் மிகப்பெரிய சேதத்தை சந்தித்துள்ளது. மீட்புப் பணிகள் தொடர்ந்து நடைபெற்று வரும் நிலையில், இடிந்து விழுந்த கட்டடங்களுக்குள் உயிர் பிழைத்தவர்களை தேடும் முயற்சிகள் தீவிரமாக நடைபெறுகின்றன. இதுவரை ஆயிரக்கணக்கான மக்கள் வீடுகளை இழந்துள்ளதுடன், உணவு, குடிநீர் மற்றும் தற்காலிக தங்குமிடங்களின் பற்றாக்குறை கடுமையாக உள்ளது. அரசு வெளியிட்ட தகவலின்படி, உயிரிழந்தோர் எண்ணிக்கை 2,295 ஆக உயர்ந்துள்ளது. 11,000-க்கும் மேற்பட்டோர் காயமடைந்துள்ளதுடன், ஐக்கிய நாடுகள் சபையின் மதிப்பீட்டின்படி சுமார் 50,000 பேர் இன்னும் காணாமல் போயுள்ளதாக தெரிவிக்கப்பட்டுள்ளது. இதற்கிடையில், நிலநடுக்கம் ஏற்பட்ட ஒரு வாரத்திற்குப் பிறகு கராகஸில் இடிபாடுகளுக்குள் சிக்கியிருந்த 3 வயது சிறுவன் உயிருடன் மீட்கப்பட்ட சம்பவம் நம்பிக்கையை ஏற்படுத்தியுள்ளது.