உத்தர பிரதேச மாநிலம் மீரட்டில் நடைபெற்ற நிகழ்ச்சியில், பிரதமர் Narendra Modi மெட்ரோ ரயில் மற்றும் நமோ பாரத் ரயில் சேவையை துவக்கிவைத்தார். மேலும், பல்வேறு வளர்ச்சி மற்றும் நலத்திட்டங்களையும் நாட்டிற்கு அர்ப்பணித்தார்.

பின்னர் நிகழ்ச்சியில் பேசிய அவர், டில்லியில் நடைபெற்ற உலகின் மிகப்பெரிய செயற்கை நுண்ணறிவு (AI) மாநாட்டை குறிப்பிட்டு, நாட்டின் பழமையான அரசியல் கட்சியான Indian National Congress மீது கடும் விமர்சனங்களை முன்வைத்தார்.

அவர் கூறியதாவது:

நாட்டின் முன்னேற்றம் மற்றும் உலகளாவிய நிகழ்வுகளை சில அரசியல் கட்சிகள் தாங்கிக்கொள்ள முடியாமல் தவிக்கின்றன. இந்தியாவில் நடைபெற்ற உலகளாவிய ஏஐ மாநாட்டை காங்கிரஸ் தனது இழிவான அரசியல் நோக்கங்களுக்காக பயன்படுத்தியதாக குற்றம்சாட்டினார்.

இந்த மாநாடு எந்த ஒரு கட்சியின் நிகழ்ச்சியும் அல்ல, இது ஒரு தேசிய நிகழ்ச்சி. ஆனால், காங்கிரஸ் தலைவர்கள் வெளிநாட்டு பிரதிநிதிகள் முன்னிலையில் அரசியல் போராட்டத்தை முன்னெடுத்ததாகவும், அது நாட்டின் மரியாதையை குலைக்கும் வகையில் இருந்ததாகவும் அவர் தெரிவித்தார்.

மேலும், காங்கிரஸ் தலைவர்கள் தன்னை தனிப்பட்ட முறையில் விமர்சிப்பதோடு, தனது குடும்பத்தினரையும் அவமதித்ததாக கூறிய அவர், நாட்டின் முன்னேற்றத்தை மக்கள் ஆதரிப்பார்கள் என்றும், ஊழல் அரசியலை மக்கள் நிராகரிப்பார்கள் என்றும் தெரிவித்தார்.