2021-ஐ விட 20 லட்சம் அதிக வாக்குகள் பதிவு – தமிழகத்தில் 85% ஓட்டுப்பதிவு

தமிழகத்தில் நடைபெற்ற சமீபத்திய சட்டசபை தேர்தலில், 2021 தேர்தலை விட அதிகளவில் வாக்காளர்கள் பங்கேற்றுள்ளனர். மொத்தம் 5.73 கோடி வாக்காளர்களில் 4.83 கோடி பேர் வாக்களித்து, 85.03% ஓட்டுப்பதிவு பதிவாகியுள்ளது. இது கடந்த 2021 தேர்தலில் பதிவான 73.63% ஓட்டுப்பதிவை விட குறிப்பிடத்தக்க அளவில் அதிகம். 2021-ஆம் ஆண்டில் 4.63 கோடி பேர் வாக்களித்த நிலையில், இம்முறை கூடுதலாக சுமார் 20 லட்சம் பேர் வாக்களித்துள்ளனர். தேர்தல் ஆணையம் மேற்கொண்ட வாக்காளர் பட்டியல் சிறப்பு திருத்த நடவடிக்கைகளால், தவறான மற்றும் நகல் பெயர்கள் நீக்கப்பட்டு, புதிய வாக்காளர்கள் சேர்க்கப்பட்டனர். மொத்தம் 234 தொகுதிகளிலும் ஒரே கட்டமாக தேர்தல் நடைபெற்றது. தி.மு.க., அ.தி.மு.க., த.வெ.க., நாம் தமிழர் கட்சி உள்ளிட்ட முக்கிய கட்சிகள் கடும் போட்டியில் ஈடுபட்டன. வாக்காளர்கள் அதிக ஆர்வத்துடன் காலை முதல் நீண்ட வரிசையில் காத்திருந்து வாக்களித்தனர். வெளிநாடுகள் மற்றும் பிற மாநிலங்களில் இருந்தும் மக்கள் வந்து வாக்களித்தது குறிப்பிடத்தக்கது. ஆனால், போதிய அரசு பேருந்துகள் இயக்கப்படாததால், சிலர் வாக்களிக்க முடியாமல் போனதாக குற்றச்சாட்டு எழுந்துள்ளது. வாக்குப்பதிவு அமைதியாக நிறைவடைந்த நிலையில், ஓட்டு எண்ணிக்கை மே 4ம் தேதி நடைபெற உள்ளது.