காமன்வெல்த் போட்டியில் இந்தியாவுக்கு 6வது பதக்கம்; பிந்தியாராணி தேவி வெண்கலம் வென்றார்

ஸ்காட்லாந்தின் கிளாஸ்கோவில் நடைபெற்று வரும் 2026 காமன்வெல்த் விளையாட்டுப் போட்டியில் இந்தியா மேலும் ஒரு பதக்கத்தை கைப்பற்றியுள்ளது. மகளிர் 58 கிலோ எடைப்பிரிவு பளுதூக்குதல் போட்டியில் இந்தியாவின் பிந்தியாராணி தேவி வெண்கலப் பதக்கம் வென்று அசத்தியுள்ளார். இறுதிப்போட்டியில் பங்கேற்ற பிந்தியாராணி தேவி, ஸ்னாட்ச் மற்றும் க்ளீன் அண்ட் ஜெர்க் பிரிவுகளில் மொத்தம் 199 கிலோ எடையைத் தூக்கி மூன்றாவது இடத்தைப் பிடித்தார். இதன் மூலம், 2026 காமன்வெல்த் போட்டியில் இந்தியாவுக்கு கிடைத்த 6வது பதக்கம் இதுவாகும். இதற்கு முன்பு, இந்தியா ஒரு தங்கம், மூன்று வெள்ளி மற்றும் ஒரு வெண்கலப் பதக்கங்களை வென்றிருந்தது. பிந்தியாராணியின் வெற்றியுடன் இந்தியாவின் பதக்க எண்ணிக்கை ஆறாக உயர்ந்துள்ளது. முன்னதாக, மகளிர் 53 கிலோ எடைப்பிரிவில் சத்தீஸ்கரைச் சேர்ந்த ஞானேஸ்வரி யாதவ் வெள்ளிப் பதக்கம் வென்றிருந்தார். அவர் ஸ்னாட்ச் பிரிவில் 88 கிலோவும், க்ளீன் அண்ட் ஜெர்க் பிரிவில் 111 கிலோவும் தூக்கி மொத்தம் 199 கிலோ எடையுடன் இரண்டாவது இடத்தைப் பிடித்தார். இந்திய பளுதூக்குதல் வீராங்கனைகள் தொடர்ந்து பதக்கங்களை வென்று, காமன்வெல்த் போட்டியில் நாட்டிற்கு பெருமை சேர்த்து வருகின்றனர்.