கோரிக்கைகளை ஏற்ற கட்சிகளுக்கே ஹிந்துக்கள் ஓட்டு: ஹிந்து உரிமை மீட்பு மாநில மாநாட்டில் தீர்மானம்

திருவண்ணாமலை கிரிவலப்பாதை சந்தைமேடு பகுதியில் விஸ்வ ஹிந்து பரிஷத் மற்றும் பூஜாரிகள் பேரமைப்பு இணைந்து ஹிந்து உரிமை மீட்பு மாநில மாநாட்டை நடத்தினர். இந்த மாநாட்டில் பல்வேறு ஆன்மீக மற்றும் அமைப்பு தலைவர்கள் கலந்து கொண்டு கோவில் நிர்வாகம், பூசாரிகளின் உரிமைகள் மற்றும் ஹிந்து சமுதாயம் தொடர்பான பல்வேறு பிரச்சினைகள் குறித்து கருத்து தெரிவித்தனர். மாநாட்டில் பேசிய தலைவர்கள், தமிழகத்தில் உள்ள ஆயிரக்கணக்கான கோவில்களை அரசாங்கம் நிர்வகிப்பதை விட ஹிந்துக்கள் நேரடியாக நிர்வகிக்க வேண்டும் என்ற கருத்தை வலியுறுத்தினர். மேலும், எந்த கோவிலும் பூஜை இல்லாமல் இருக்கக்கூடாது என்றும் கூறினர். அதேபோல், கோவில்களுக்கு இலவச மின்சாரம் வழங்குதல், கோவில் நிலங்களுக்கு பட்டா வழங்குதல், பூசாரிகளுக்கு சிறப்பு தரிசனம் அனுமதி, திருப்பரங்குன்றத்தில் தீபம் ஏற்ற அனுமதி போன்ற பல கோரிக்கைகள் முன்வைக்கப்பட்டன. இந்த கோரிக்கைகளை ஏற்றுக்கொள்ளும் அரசியல் கட்சிகளுக்கே தமிழகத்தில் உள்ள 234 தொகுதிகளிலும் ஹிந்துக்கள் ஓட்டு போட வேண்டும் என்ற தீர்மானமும் மாநாட்டில் நிறைவேற்றப்பட்டது.