மும்பை: பிரதமர் Narendra Modi அவர்களின் அழைப்பின் பேரில் இந்தியா வந்துள்ள பிரான்ஸ் அதிபர் Emmanuel Macron, மும்பையில் பிரதமரை சந்தித்து முக்கிய பேச்சுவார்த்தை நடத்தினார்.
3 நாள் அரசியல் பயணமாக இந்தியா வந்த மேக்ரான், தனது மனைவி பிரிகிட் மேக்ரானுடன் மும்பை விமான நிலையம் வந்தடைந்தார். அவரை மஹாராஷ்டிரா மாநில கவர்னர் ஆச்சார்யா தேவ்ரட் மற்றும் முதல்வர் தேவேந்திர பட்னாவிஸ் வரவேற்றனர்.
மும்பையில் நடைபெற்ற 26/11 பயங்கரவாத தாக்குதலில் உயிரிழந்தவர்களின் நினைவிடத்திற்கு சென்ற மேக்ரான், அங்கு மலர்வளையம் வைத்து மரியாதை செலுத்தினார். பின்னர் மஹாராஷ்டிரா கவர்னர் மாளிகையான லோக்பவனில் பிரதமர் மோடியை சந்தித்தார். கவர்னர் மாளிகை வாசலில் பிரதமர் மோடி, மேக்ரானை கட்டியணைத்து வரவேற்றார்.
இந்த சந்திப்பில் இரு நாடுகளுக்கும் இடையேயான இருதரப்பு உறவுகள், செயற்கை நுண்ணறிவு (AI) துறையில் ஒத்துழைப்பு, வளர்ந்து வரும் புதிய தொழில்நுட்பங்கள் மற்றும் பாதுகாப்பு கூட்டாண்மை குறித்து விரிவான ஆலோசனை நடத்தப்பட்டது.
மேலும், இந்தியா–பிரான்ஸ் இணைந்து ராணுவ ஹெலிகாப்டர்கள் மற்றும் ஏவுகணைகள் தயாரிப்பது குறித்தும் ஆலோசிக்கப்பட்டது. குறிப்பாக ரபேல் போர் விமானங்கள் வாங்குவது தொடர்பாகவும் முக்கிய முடிவுகள் எடுக்கப்படலாம் என தகவல்கள் தெரிவிக்கின்றன.
இந்த சந்திப்பு, இரு நாடுகளின் பாதுகாப்பு மற்றும் தொழில்நுட்ப கூட்டாண்மையை மேலும் வலுப்படுத்தும் என அரசியல் வட்டாரங்கள் மதிப்பிடுகின்றன.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்