மேற்கு ஆப்ரிக்க நாடான Nigeria நாட்டின் பிளாட்டோ மாகாணத்தில் உள்ள வாஸ் பகுதியில் செயல்பட்டு வந்த கனிம சுரங்கத்தில் ஏற்பட்ட நச்சு வாயு கசிவு பெரும் உயிரிழப்பை ஏற்படுத்தியுள்ளது.
சுரங்கத்தில் வழக்கமான பணிகளில் ஈடுபட்டிருந்த தொழிலாளர்கள் திடீரென வெளியேறிய நச்சு வாயுவை சுவாசித்தனர். போதிய காற்றோட்டம் இல்லாத காரணத்தால் விஷ வாயு வேகமாக பரவி, 38 பேர் சம்பவ இடத்திலேயே உயிரிழந்தனர். மேலும் 27 பேர் உடல்நலக்குறைவால் அருகிலுள்ள மருத்துவமனைகளில் அனுமதிக்கப்பட்டுள்ளனர்.
முதற்கட்ட விசாரணையில், சுரங்கத்தின் அடிப்பகுதியில் இருந்து சல்பர் மற்றும் கார்பன் மோனாக்சைடு போன்ற நச்சு வாயுக்கள் திடீரென வெளியேறியதாக தகவல் வெளியாகியுள்ளது. இந்த வாயுக்கள் மூச்சுத்திணறலை ஏற்படுத்தி உயிரிழப்புக்கு காரணமாகியதாக அதிகாரிகள் தெரிவித்துள்ளனர்.
பலியானவர்களில் பெரும்பாலானோர் 20 முதல் 35 வயதுக்குட்பட்ட இளைஞர்கள் என்பது குறிப்பிடத்தக்கது. இந்த விபத்துக்கு பின்னர் சுரங்கத்தின் செயல்பாடுகள் தற்காலிகமாக நிறுத்தப்பட்டுள்ளன.
நைஜீரிய அரசு சம்பவம் குறித்து விரிவான விசாரணை நடத்த உத்தரவிட்டுள்ளது. பாதுகாப்பு விதிமுறைகள் பின்பற்றப்பட்டனவா என்பது குறித்து அதிகாரிகள் ஆய்வு செய்து வருகின்றனர்.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்