தமிழக தேர்தலில் சாதனை வாக்குப்பதிவு அவசியம்: பிரதமர் நரேந்திர மோடி அழைப்பு

புதுடில்லி: தமிழக சட்டசபை தேர்தலை முன்னிட்டு பிரதமர் நரேந்திர மோடி, அனைத்து வாக்காளர்களும் உற்சாகத்துடன் வாக்களிக்க வேண்டும் என தமிழில் வேண்டுகோள் விடுத்துள்ளார். அவர் வெளியிட்டுள்ள செய்தியில், “தமிழக மக்கள் அனைவரும் இந்த முக்கியமான ஜனநாயகப் பொறுப்பை உணர்ந்து அதிக அளவில் வாக்களிக்க வேண்டும். குறிப்பாக இளைஞர்கள் மற்றும் பெண்கள் அதிக அளவில் பங்கேற்று சாதனை அளவிலான வாக்குப்பதிவை உருவாக்க வேண்டும்” என்று தெரிவித்துள்ளார். இந்த தேர்தல், மாநிலத்தின் எதிர்கால வளர்ச்சியை தீர்மானிக்கும் முக்கிய தருணம் என்பதால், ஒவ்வொரு வாக்கும் முக்கியமானது என்றும் அவர் வலியுறுத்தினார்.