தமிழகத்தில் வருவாய் துறை அலுவலர்கள் பல்வேறு கோரிக்கைகளை வலியுறுத்தி கடந்த சில நாட்களாக வேலைநிறுத்தம் மற்றும் போராட்டங்களில் ஈடுபட்டு வருகின்றனர். பணி பாதுகாப்பு சட்டம் உள்ளிட்ட ஒன்பது அம்ச கோரிக்கைகளை முன்வைத்து அவர்கள் போராட்டத்தை தொடர்கின்றனர்.
சென்னை கலெக்டர் அலுவலகம் உள்ளிட்ட பல இடங்களில் வருவாய் துறை அலுவலர்கள் காத்திருப்பு போராட்டம் மற்றும் சாலை மறியல் நடத்தினர். போராட்டத்தில் ஈடுபட்ட பலர் போலீசாரால் கைது செய்யப்பட்டனர்.
இந்த வேலைநிறுத்தத்தால் ஜாதி சான்றிதழ், வருமான சான்றிதழ், இருப்பிட சான்றிதழ் வழங்குதல், பட்டா மாற்றம், வரி வசூல் உள்ளிட்ட முக்கிய சேவைகள் நிறுத்தப்பட்டுள்ளன. இதனால் மாணவர்கள், விவசாயிகள் மற்றும் பொதுமக்கள் கடுமையாக பாதிக்கப்பட்டுள்ளனர்.
இதேவேளை, கிராம உதவியாளர்கள் மற்றும் கல்லூரி பேராசிரியர்களும் தங்களது கோரிக்கைகளை வலியுறுத்தி தமிழகம் முழுவதும் போராட்டங்களில் ஈடுபட்டு வருகின்றனர்.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்