தேர்தல் பிந்தைய கருத்துக்கணிப்பு: மீண்டும் திமுக ஆட்சி சாத்தியம், விஜய் கட்சி முன்னேற்றம் கவனம் ஈர்ப்பு

சென்னை: தமிழக சட்டசபை தேர்தல் ஏப்ரல் 23ஆம் தேதி ஒரே கட்டமாக நடைபெற்றது. மொத்தம் 234 தொகுதிகளில், 118 இடங்களில் வெற்றி பெறும் கட்சி ஆட்சியை அமைக்கும் நிலையில், தேர்தல் பிந்தைய கருத்துக்கணிப்புகள் அரசியல் வட்டாரங்களில் பெரும் பேசுபொருளாகியுள்ளது. பல்வேறு ஆய்வு நிறுவனங்கள் வெளியிட்டுள்ள கணிப்புகளின்படி, பெரும்பாலான கருத்துக்கணிப்புகள் திமுக கூட்டணி மீண்டும் ஆட்சியை பிடிக்கும் எனக் காட்டுகின்றன. சில கணிப்புகளில் திமுக 120க்கும் மேற்பட்ட இடங்களைப் பெறும் என கணிக்கப்பட்டுள்ளது. இதேவேளை, ஆக்சிஸ் மை இந்தியா - இந்தியா டுடே கருத்துக்கணிப்பு, நடிகர் விஜயின் தவெக கட்சிக்கு 98 முதல் 120 இடங்கள் கிடைக்கும் என கணித்து அரசியல் வட்டாரத்தில் அதிர்ச்சியை ஏற்படுத்தியுள்ளது. அதிமுக கூட்டணிக்கு பல்வேறு கணிப்புகளில் 50 முதல் 110 இடங்கள் வரை கிடைக்கும் என தெரிவிக்கப்படுகிறது. சில கணிப்புகளில் அதிமுக முன்னிலை பெறும் என்றும் கூறப்படுகிறது. நாம் தமிழர் கட்சி, பிற சிறிய கட்சிகள் மற்றும் சுயேட்சை வேட்பாளர்களும் குறைந்த அளவில் இடங்களைப் பெறுவார்கள் என கணிக்கப்பட்டுள்ளது. மொத்தத்தில், பல்வேறு கருத்துக்கணிப்புகள் மாறுபட்டாலும், திமுக மீண்டும் ஆட்சியை அமைக்கும் வாய்ப்பு அதிகம் என அரசியல் ஆய்வாளர்கள் கருதுகின்றனர். அதே சமயம், புதிய கட்சிகளின் வளர்ச்சி இந்த தேர்தலில் முக்கிய அம்சமாக பார்க்கப்படுகிறது.