அரசுப் பள்ளியில் விஜய் புகைப்படம் வைத்து ரீல்ஸ்: இதை முதல்வர் விஜயே ஏற்க மாட்டார் – அண்ணாமலை விமர்சனம்

காஞ்சிபுரம் மாவட்டம் உத்திரமேரூர் அருகே உள்ள ஒரு அரசுப் பள்ளி வகுப்பறையில், 20-க்கும் மேற்பட்ட தவெக நிர்வாகிகள் மற்றும் ஆதரவாளர்கள் சென்று, முதல்வர் விஜயின் புகைப்படத்தை சுவரில் மாட்டி ரீல்ஸ் வீடியோ எடுத்ததாக தகவல் வெளியாகியுள்ளது. இந்த சம்பவத்திற்கு பாஜக மாநிலத் தலைவர் அண்ணாமலை கண்டனம் தெரிவித்துள்ளார். அவர் வெளியிட்டுள்ள அறிக்கையில், கடந்த சில ஆண்டுகளில் அரசுப் பள்ளிகள் கட்டமைப்பு மற்றும் கல்வித் தரத்தில் பல்வேறு சவால்களை சந்தித்து வருவதாக குறிப்பிட்டார். இந்நிலையில், அரசுப் பள்ளிகளில் அரசியல் சார்ந்த செயல்பாடுகள் மற்றும் வகுப்புகளுக்கு இடையூறு ஏற்படுத்தும் நிகழ்வுகள் பள்ளிகளின் மரியாதையையும் கல்விச் சூழலையும் பாதிக்கும் என அவர் கூறினார். மேலும், ஆளுங்கட்சியினர் என்பதற்காக பள்ளி வளாகங்களில் இதுபோன்ற நடவடிக்கைகள் மேற்கொள்ளப்படுவது ஏற்றுக்கொள்ள முடியாதது என்றும், இதை முதல்வர் விஜயே ஆதரிக்க மாட்டார் என நம்புகிறோம் என்றும் தெரிவித்தார். இத்தகைய சம்பவங்கள் இனி நடைபெறாத வகையில், கட்சியினருக்கு தேவையான அறிவுறுத்தல்களை வழங்குமாறு முதல்வர் விஜயையும் பள்ளிக் கல்வித் துறை அமைச்சரையும் அண்ணாமலை வலியுறுத்தியுள்ளார்.