இன்று தேர்தல் நடந்தால் அதிமுக முன்னிலை – புதிய கருத்துக்கணிப்பு வெளியீடு

சென்னை: தற்போது தேர்தல் நடைபெற்றால் எந்த கட்சி வெற்றி பெறும் என்ற கேள்விக்கு சமீபத்திய கருத்துக்கணிப்பில் சுவாரஸ்யமான தகவல்கள் வெளியாகியுள்ளன. மார்ச் மாதத்தில் 70 தொகுதிகளில் சுமார் 19,305 பேரிடம் நடத்தப்பட்ட கருத்துக்கணிப்பின் இரண்டாம் கட்ட முடிவுகள் தற்போது வெளியிடப்பட்டுள்ளன. இதன்படி, இன்று தேர்தல் நடந்தால் அதிமுக 40% ஆதரவுடன் முன்னிலையில் இருப்பதாக கூறப்பட்டுள்ளது. திமுகக்கு 37% ஆதரவு கிடைத்துள்ளது. மற்ற கட்சிகள் குறைந்த அளவு ஆதரவை பெற்றுள்ளன. ஆட்சியின் செயல்பாடு குறித்து கேட்டபோது, திமுக அரசு வாக்குறுதிகளை முழுமையாக நிறைவேற்றியது என 11% பேர் தெரிவித்துள்ளனர். ஓரளவு நிறைவேற்றியது என 67% பேர் கூறியுள்ளனர். ஆனால் 22% பேர் எந்த வாக்குறுதியும் நிறைவேற்றப்படவில்லை என்று கருத்து தெரிவித்துள்ளனர். மதிப்பீட்டில், 59% பேர் திமுக அரசுக்கு பாதி மதிப்பெண் அளித்துள்ளனர். 15% பேர் முழு மதிப்பெண் வழங்கியுள்ள நிலையில், 26% பேர் பூஜ்ஜியம் அளித்துள்ளனர். ஊழல் குறித்து கேட்டபோது, 54% பேர் அதிக அளவில் ஊழல் உள்ளது என்று கூறியுள்ளனர். 37% பேர் ஓரளவு உள்ளது எனவும், 9% பேர் ஊழல் இல்லை எனவும் தெரிவித்துள்ளனர். எதிர்க்கட்சிகளின் செயல்பாட்டில், அதிமுக 54% ஆதரவுடன் முன்னிலையில் உள்ளது. தலைமை திறனில் இபிஎஸ் 64% ஆதரவை பெற்றுள்ளார். இந்த தேர்தலில் முக்கிய பிரச்சினையாக ஊழல் (41%) குறிப்பிடப்பட்டுள்ளது.