கோவையில் அண்ணாமலைக்கு உற்சாக வரவேற்பு; புதிய இயக்கத்திற்கு ஆதரவு அதிகரிப்பு

கோவை: புதிய அரசியல் இயக்கமான “இது நம்ம இயக்கம்” தொடங்கிய பிறகு முதல் முறையாக கோவைக்கு வந்த அண்ணாமலைக்கு ஆதரவாளர்கள் உற்சாக வரவேற்பு அளித்தனர். பாஜகவில் இருந்து விலகிய பின்னர் தனது புதிய அரசியல் பயணத்தை தொடங்கியுள்ள அண்ணாமலை, சமூக வலைதளங்கள் வாயிலாக புதிய இயக்கத்தை அறிவித்திருந்தார். அவரது கூற்றுப்படி, இயக்கத்தில் ஏற்கனவே 17.68 லட்சத்திற்கும் மேற்பட்டோர் இணைந்துள்ளனர். இந்நிலையில், இன்று காலை கோவை விமான நிலையம் வந்த அண்ணாமலையை தொண்டர்கள், ஆதரவாளர்கள் மற்றும் இளைஞர்கள் திரளாக வரவேற்றனர். சால்வை அணிவித்து, கோஷங்கள் எழுப்பி அவருக்கு ஆதரவு தெரிவித்தனர். புதிய அரசியல் இயக்கத்தின் அடுத்தகட்ட பணிகள் மற்றும் உறுப்பினர் சேர்க்கை நடவடிக்கைகள் குறித்து அண்ணாமலை விரைவில் ஆலோசனை நடத்த உள்ளதாக கூறப்படுகிறது.