புதுடில்லி: Assam மாநிலத்தின் திப்ருகர் மாவட்டத்தில் அவசர காலங்களில் விமானங்கள் தரையிறங்கும் வகையில் வடிவமைக்கப்பட்ட தேசிய நெடுஞ்சாலையில் பிரதமர் Narendra Modi பயணித்த விமானம் வெற்றிகரமாக தரையிறங்கியது. வடகிழக்கு மாநிலங்களில் இத்தகைய வசதியுடன் உருவாக்கப்பட்ட முதல் தேசிய நெடுஞ்சாலை இதுவாகும்.
சுமார் ரூ.100 கோடி செலவில், Indian Air Force வடிவமைத்து கட்டிய இந்த நெடுஞ்சாலை, அவசர சூழ்நிலைகளில் ராணுவ மற்றும் பயணிகள் விமானங்களின் இயக்கத்திற்கு பயன்படும் வகையில் உருவாக்கப்பட்டுள்ளது. இந்தியாவில் விமானங்கள் தரையிறங்கும் வசதியுடன் அமைக்கப்பட்ட 11வது தேசிய நெடுஞ்சாலை இதுவாகும்.
இந்த சாலையில் 40 டன் எடையுள்ள போர் விமானங்களும், 74 டன் எடையுள்ள பயணிகள் விமானங்களும் பாதுகாப்பாக தரையிறங்கி புறப்பட முடியும். பேரிடர் மற்றும் பாதுகாப்பு அவசர காலங்களில் இது முக்கிய பங்கு வகிக்கும் என அதிகாரிகள் தெரிவித்துள்ளனர்.
நிகழ்ச்சிக்குப் பிறகு Indian Air Force நடத்திய வான்வழி சாகசங்களை பிரதமர் பார்வையிட்டார். Sukhoi Su-30MKI, Dassault Rafale உள்ளிட்ட போர் விமானங்கள், பயணிகள் விமானம் மற்றும் ஹெலிகாப்டர்கள் இந்த நெடுஞ்சாலையில் தரையிறங்கி மீண்டும் புறப்பட்டன. பின்னர் பிரதமர் கவுகாத்தி நோக்கி புறப்பட்டார்.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்