சாம்சங் நிறுவனம் தனது கேலக்ஸி S23 சீரிஸை தொடர்ந்து, அடுத்த தலைமுறை கேலக்ஸி S24 சீரிஸை விரைவில் அறிமுகம் செய்யத் தயாராகி வருவதாக தகவல்கள் வெளியாகியுள்ளன.
இந்தியாவின் முன்னணி ப்ரீமியம் ஸ்மார்ட்போன் மற்றும் கேட்ஜெட் பிராண்டான சாம்சங், நீண்ட எதிர்பார்ப்புகளுக்குப் பிறகு கேலக்ஸி S23 சீரிஸை சந்தையில் அறிமுகம் செய்து விற்பனை செய்து வருகிறது. இதனைத் தொடர்ந்து, கேலக்ஸி S24, S24+ மற்றும் S24 Ultra ஆகிய மூன்று வேரியன்ட்கள் அடங்கிய புதிய S24 சீரிஸை நிறுவனம் தயாரித்து வருவதாக கூறப்படுகிறது.
இந்த புதிய சீரிஸில் Snapdragon 8 Gen 3 சிப்செட் வழங்கப்படலாம். மேலும் 120Hz ரிஃப்ரெஷ் ரேட் கொண்ட QHD+ Dynamic AMOLED LTPO டிஸ்பிளே இடம்பெறும் என எதிர்பார்க்கப்படுகிறது. முக்கிய அம்சமாக, கேலக்ஸி S24 Ultra மாடலில் டைட்டானியம் ஃப்ரேம் வழங்கப்படலாம் என தகவல் வெளியாகியுள்ளது.
மேலும் 200MP சென்சார் கொண்ட குவாட் ரியர் கேமரா செட்டப், 12MP செல்ஃபி கேமரா மற்றும் S Pen சப்போர்ட் போன்ற அம்சங்களும் இடம்பெற வாய்ப்பு உள்ளது. 5000mAh பேட்டரி மற்றும் 45W ஃபாஸ்ட் சார்ஜிங் வசதி வழங்கப்படலாம் எனவும் கூறப்படுகிறது. அதிகாரப்பூர்வ அறிவிப்பு இன்னும் வெளியாகவில்லை என்றாலும், ஜனவரி 18ல் அறிமுகம் செய்யப்படலாம் என தகவல்கள் தெரிவிக்கின்றன.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்