கோவில் அறங்காவலர்களாக ஆன்மிக நம்பிக்கை கொண்டவர்களை நியமிக்க வேண்டும்: ஹிந்து முன்னணி

சென்னை: அறநிலையத்துறையின் கீழ் செயல்படும் கோவில்களில் காலியாக உள்ள அறங்காவலர் பதவிகளுக்கு, ஆன்மிக சிந்தனையும் சமூகப் பொறுப்புணர்வும் கொண்டவர்களை நியமிக்க வேண்டும் என ஹிந்து முன்னணி வலியுறுத்தியுள்ளது. இது தொடர்பாக அமைப்பின் தலைவர் காடேஸ்வரா சுப்ரமணியம் வெளியிட்டுள்ள அறிக்கையில், கோவில் அறங்காவலர்கள் என்பது வெறும் நிர்வாகப் பொறுப்பு மட்டுமல்ல; கோவிலின் மரபுகள், திருப்பணிகள், நிதி மேலாண்மை மற்றும் பக்தர்களுக்கான வசதிகளை கவனிக்கும் முக்கிய பொறுப்பாகும் என தெரிவித்துள்ளார். அறங்காவலர் நியமனத்தில் வெளிப்படைத்தன்மை கடைபிடிக்கப்பட வேண்டும் என்றும், மத நம்பிக்கை மற்றும் கோவில் மரபுகள் குறித்த புரிதல் உள்ளவர்களுக்கு முன்னுரிமை வழங்கப்பட வேண்டும் என்றும் அவர் கூறியுள்ளார். மேலும், சமூக சேவையில் ஈடுபட்டு வரும் நற்பெயர் பெற்றவர்களை தேர்வு செய்வதன் மூலம் கோவில்களின் நிர்வாகம் மேலும் சிறப்பாக செயல்படும் என அவர் வலியுறுத்தியுள்ளார்.