உள்ளாட்சி தேர்தலில் திமுக தனித்து போட்டியிட வேண்டும்: நிர்வாகிகள் வலியுறுத்தல்

சட்டசபை தேர்தல் தோல்விக்கு பிறகு காரணங்களை ஆராய திமுக தலைமை அமைத்துள்ள ஆய்வுக்குழு, மாவட்டம் தோறும் கட்சி நிர்வாகிகளிடம் கருத்துகளை சேகரித்து வருகிறது. இந்த ஆய்வின் போது பல நிர்வாகிகள், தேர்தல் காலத்தில் கூட்டணி கட்சிகளின் ஒத்துழைப்பு எதிர்பார்த்த அளவில் கிடைக்கவில்லை என்று குற்றம்சாட்டியதாக கூறப்படுகிறது. இதன் காரணமாக எதிர்கால தேர்தல்களில், குறிப்பாக வரவிருக்கும் உள்ளாட்சி தேர்தலில், திமுக தனித்துப் போட்டியிட வேண்டும் என்ற கருத்து பரவலாக முன்வைக்கப்பட்டுள்ளதாக தகவல்கள் தெரிவிக்கின்றன. மேலும், கட்சியின் சொந்த வாக்கு வங்கியையும் அமைப்புச் சக்தியையும் வலுப்படுத்த தனித்துப் போட்டியிடுவது உதவும் என சில நிர்வாகிகள் கருத்து தெரிவித்துள்ளனர். ஆய்வுக்குழு சேகரிக்கும் கருத்துகளின் அடிப்படையில், கட்சித் தலைமை அடுத்தகட்ட முடிவுகளை எடுக்கும் என எதிர்பார்க்கப்படுகிறது.