ஈரான் தாக்குதல்: கத்தார் எரிவாயு நிலைய சேதம் – கச்சா எண்ணெய் & CNG விலை உயர்வு அதிர்ச்சி

மேற்காசியாவில் பதற்றம் தீவிரமடைந்துள்ள நிலையில், ஈரான் மற்றும் இஸ்ரேல் இடையேயான மோதல் உலக எரிசக்தி சந்தையில் பெரும் அதிர்வை ஏற்படுத்தியுள்ளது. இஸ்ரேல் தாக்குதலுக்கு பதிலடி கொடுக்க, ஈரான் வளைகுடா நாடுகளில் உள்ள எண்ணெய் மற்றும் இயற்கை எரிவாயு உற்பத்தி நிலையங்களை குறிவைத்து தாக்குதல் நடத்தியுள்ளது. இதில் ராஸ் லபான் பகுதியில் உள்ள முக்கிய எரிவாயு நிலையம் கடுமையாக சேதமடைந்தது. இந்த தாக்குதலின் விளைவாக கத்தாரின் எல்.என்.ஜி. உற்பத்தி திறன் சுமார் 17% குறைந்துள்ளதாக தகவல்கள் தெரிவிக்கின்றன. இதனால் ஆசிய மற்றும் ஐரோப்பிய நாடுகளுக்கான எரிவாயு விநியோகம் பாதிக்கப்படும் அபாயம் ஏற்பட்டுள்ளது. இதற்கிடையில், உலக சந்தையில் ப்ரென்ட் கச்சா எண்ணெய் விலை 6% உயர்ந்து ஒரு பேரல் 114 அமெரிக்க டாலரை எட்டியுள்ளது. மேலும், இயற்கை எரிவாயு விலையும் ஆசிய சந்தையில் இரட்டிப்பு அளவுக்கு உயர்ந்துள்ளது. இந்த சூழலில், கத்தார் உள்ளிட்ட நாடுகளில் இருந்து எரிவாயு இறக்குமதி செய்யும் இந்தியா போன்ற நாடுகள் அதிக பாதிப்பை சந்திக்கக்கூடும். 2024 ஆம் ஆண்டு இந்தியா இறக்குமதி செய்த எரிவாயுவில் சுமார் 47% கத்தாரிலிருந்து வந்தது குறிப்பிடத்தக்கது. தற்போதைய உற்பத்தி தடை காரணமாக, இந்தியாவில் CNG, LPG மற்றும் தொழில் துறைகளில் பயன்படுத்தப்படும் எரிவாயு விலை உயர்வு ஏற்படும் சாத்தியம் உள்ளது. இதனால் பொதுமக்கள் மற்றும் தொழில்துறைக்கு கூடுதல் சுமை ஏற்படலாம்.