ரஜத் படிதார் ருத்ரதாண்டவம்: பெங்களூரு அசத்தல் பைனல் பயணம்

தர்மசாலாவில் நடைபெற்ற கிரிக்கெட் லீக் தகுதிச்சுற்று-1 போட்டியில் பெங்களூரு அணி முழுமையான ஆதிக்கத்தை வெளிப்படுத்தியது. ரஜத் படிதார் 33 பந்துகளில் 93 ரன் குவித்து குஜராத் பந்துவீச்சை சிதறடித்தார். கோலி, தேவ்தத் படிக்கல், குர்ணால் பாண்ட்யா ஆகியோரும் அதிரடியாக விளையாடினர். பெங்களூரு அணி 20 ஓவரில் 254/5 ரன் குவித்த நிலையில், கடின இலக்கை துரத்திய குஜராத் அணி தொடக்கம் முதலே விக்கெட்டுகளை இழந்து சரிந்தது. சாய் சுதர்சன் ஹிட் விக்கெட்டாக அவுட்டானது அணிக்கு அதிர்ச்சியளித்தது. இறுதியில் 18 ஓவரில் 100 ரன்னுக்கு ஆல் அவுட்டான குஜராத் தோல்வியை சந்தித்தது. இந்த வெற்றியின் மூலம் பெங்களூரு அணி ஐந்தாவது முறையாக பைனலுக்கு தகுதி பெற்றுள்ளது.