ஸ்மிருதி மந்தனா ரூ.1.11 கோடிக்கு மான்செஸ்டர் அணியில் – ‘தி ஹண்டிரடு’ பெண்கள் கிரிக்கெட் தொடரில் பெரிய ஒப்பந்தம்

இங்கிலாந்தில் நடைபெறும் பெண்களுக்கான ‘தி ஹண்டிரடு’ கிரிக்கெட் தொடரின் 6வது சீசன் ஜூலை 21 அன்று தொடங்குகிறது. இந்த தொடரின் இறுதிப்போட்டி ஆகஸ்ட் 16 அன்று லண்டனில் உள்ள லார்ட்ஸ் மைதானத்தில் நடைபெற உள்ளது. இந்த தொடரில் நடப்பு சாம்பியன் லீட்ஸ் உட்பட மொத்தம் 8 அணிகள் பங்கேற்கின்றன. இதற்கான வீராங்கனைகள் ஏலத்தில் 178 பேர் கலந்து கொண்டனர். அதே நேரத்தில் சில முன்னணி வீராங்கனைகளை அணிகள் நேரடியாக ஒப்பந்தம் செய்யும் வாய்ப்பும் வழங்கப்பட்டது. இதன் அடிப்படையில் இந்தியாவின் முன்னணி பேட்ஸ்வுமன் ஸ்மிருதி மந்தனா ரூ.1.11 கோடி மதிப்பில் மான்செஸ்டர் சூப்பர் ஜெயன்ட்ஸ் அணியுடன் இணைந்தார். மேலும் இந்தியாவின் மற்றொரு வீராங்கனை ஜெமிமா ரோட்ரிக்ஸ் ரூ.74 லட்சத்திற்கு சவுத்தர்ன் பிரேவ் அணியால் ஒப்பந்தம் செய்யப்பட்டார். இந்திய ஆல் ரவுண்டர் தீப்தி சர்மா ரூ.34 லட்சத்திற்கு லீட்ஸ் அணியில் சேர்ந்தார். இந்த ஏலத்தில் ஆஸ்திரேலியாவின் முன்னணி பேட்டர் பெத் மூனே ரூ.2.59 கோடிக்கு டிரன்ட் ராக்கெட்ஸ் அணியால் வாங்கப்பட்டார். நியூசிலாந்து வீராங்கனை சோபி டெவைன் ரூ.2.59 கோடிக்கு வேல்ஸ் பயர் அணியில் சேர்ந்தார். இங்கிலாந்தின் டேனியலி கிப்சன் ரூ.2.34 கோடிக்கு லீட்ஸ் அணியில் இணைந்தார். தென் ஆப்ரிக்காவின் ஆல் ரவுண்டர் நாடின் டி கிளர்க் ரூ.2.09 கோடிக்கு லண்டன் ஸ்பிரிட் அணியில் சேர்க்கப்பட்டார்.