தெலுங்கானா பார்முலா-இ கார் ரேஸ் வழக்கு: முன்னாள் முதல்வர் மகன் கே.டி.ராமா ராவுக்கு சிக்கல்

ஹைதராபாத்: தெலுங்கானாவில் நடைபெற்றதாக இருந்த பார்முலா-இ கார் பந்தயம் தொடர்பான நிதி முறைகேடு குற்றச்சாட்டில் புதிய திருப்பம் ஏற்பட்டுள்ளது. இந்த வழக்கில், பாரத் ராஷ்ட்ர சமிதி (பி.ஆர்.எஸ்.) கட்சியின் செயல் தலைவர் மற்றும் முன்னாள் அமைச்சர் கே.டி. ராமா ராவ் உள்ளிட்டோர் மீது ஊழல் தடுப்புப் பிரிவு போலீசார் குற்றப்பத்திரிகை தாக்கல் செய்துள்ளனர். முதல்வர் ரேவந்த் ரெட்டி தலைமையிலான தற்போதைய காங்கிரஸ் ஆட்சி காலத்தில், முந்தைய பி.ஆர்.எஸ். ஆட்சியில் 2024 ஆம் ஆண்டு ஹைதராபாதில் பார்முலா-இ கார் பந்தயம் நடத்த திட்டமிடப்பட்டது. இந்த திட்டத்திற்காக, இந்திய ரிசர்வ் வங்கியின் அனுமதி பெறாமல், ஹைதராபாத் பெருநகர வளர்ச்சி ஆணையத்திலிருந்து ரூ.55 கோடி வெளிநாட்டிற்கு மாற்றப்பட்டதாக குற்றச்சாட்டு எழுந்தது. இதன் காரணமாக அந்த கார் பந்தயம் பின்னர் ரத்து செய்யப்பட்டது. இந்த விவகாரம் தொடர்பாக, முன்னாள் முதல்வர் சந்திரசேகர ராவ் அவர்களின் மகன் கே.டி. ராமா ராவ், மூத்த ஐஏஎஸ் அதிகாரி அரவிந்த் குமார் மற்றும் முன்னாள் தலைமை பொறியாளர் பி.எல்.என். ரெட்டி உள்ளிட்ட நான்கு பேர் மீது வழக்குப்பதிவு செய்து விசாரணை நடைபெற்று வருகிறது. தற்போது, நீதிமன்றத்தில் தாக்கல் செய்யப்பட்ட குற்றப்பத்திரிகையில், கே.டி. ராமா ராவ் முதல் குற்றவாளியாக குறிப்பிடப்பட்டுள்ளார்.