தென் ஆப்ரிக்கா - செக் குடியரசு மோதல் 1-1 'டிரா': உலகக் கோப்பை கால்பந்தில் பரபரப்பு

அமெரிக்காவின் அட்லாண்டா நகரில் உள்ள மெர்சிடஸ்-பென்ஸ் மைதானத்தில் நடைபெற்ற உலகக் கோப்பை கால்பந்து 'ஏ' பிரிவு லீக் போட்டியில் தென் ஆப்ரிக்கா மற்றும் செக் குடியரசு அணிகள் மோதின. ஆட்டத்தின் 6-வது நிமிடத்தில் அலெக்சாண்டர் சோஜ்காவின் பாஸை பயன்படுத்திய மிச்சல் சாடிலெக் கோல் அடித்து செக் குடியரசு அணிக்கு முன்னிலை பெற்றுத் தந்தார். முதல் பாதி முடிவில் செக் குடியரசு அணி 1-0 என்ற கணக்கில் முன்னிலை வகித்தது. இரண்டாம் பாதியில் தாக்குதலை தீவிரப்படுத்திய தென் ஆப்ரிக்காவுக்கு 83-வது நிமிடத்தில் பெனால்டி வாய்ப்பு கிடைத்தது. அந்த வாய்ப்பை மோகோயெனா கோலாக மாற்றி அணியை சமநிலைக்கு கொண்டு வந்தார். ஆட்ட நேர முடிவில் இரு அணிகளும் தலா ஒரு கோல் அடித்திருந்ததால் போட்டி 1-1 என்ற கணக்கில் டிராவில் முடிந்தது. இதன் மூலம் இரு அணிகளுக்கும் தலா ஒரு புள்ளி வழங்கப்பட்டது.