டில்லி அணி அதிரடி வெற்றி: ராகுல்–நிசங்கா அரைசதம், ராஜஸ்தான் முயற்சி வீண்

ஜெய்ப்பூரில் நடைபெற்ற லீக் போட்டியில் டில்லி அணி 7 விக்கெட் வித்தியாசத்தில் ராஜஸ்தான் அணியை வீழ்த்தி அபார வெற்றி பெற்றது. டாஸ் வென்ற ராஜஸ்தான் அணி முதலில் பேட்டிங் தேர்வு செய்தது. தொடக்கத்தில் ஜெய்ஸ்வால் மற்றும் வைபவ் சூர்யவன்ஷி விரைவில் அவுட்டாகி அணிக்கு அதிர்ச்சி அளித்தனர். இதனால் 12 ரன்களில் 2 விக்கெட் இழந்தது. பின்னர் ரியான் பராக் மற்றும் துருவ் ஜுரெல் இணைந்து அணியை மீட்டனர். ரியான் பராக் அதிரடியாக விளையாடி 50 பந்துகளில் 90 ரன் குவித்தார். ஜுரெல் 42 ரன் எடுத்தார். இறுதியில் டொனோவன் பெரேரா 14 பந்துகளில் 47 ரன் அடித்து அணியை 20 ஓவரில் 225/6 என்ற பெரிய ஸ்கோருக்கு கொண்டு சென்றார். 226 ரன் என்ற கடின இலக்கை துரத்திய டில்லி அணிக்கு ராகுல் மற்றும் பதும் நிசங்கா சிறப்பான துவக்கம் தந்தனர். இருவரும் அரைசதம் அடித்து முதல் விக்கெட்டுக்கு 110 ரன் சேர்த்தனர். நிசங்கா 62 ரன் எடுத்தார்; ராகுல் 75 ரன் எடுத்தார். பின்னர் அஷுதோஷ் சர்மா மற்றும் ஸ்டப்ஸ் இணைந்து அணியை வெற்றிக்கு அழைத்துச் சென்றனர். டில்லி அணி 19.1 ஓவரில் 226/3 ரன் எடுத்து எளிதில் வெற்றி பெற்றது. இந்த வெற்றியால் டில்லி அணி தொடர்ந்து மூன்று தோல்விகளுக்கு பின் முதல் வெற்றியை பதிவு செய்தது.