வதோதரா: பெண்கள் பிரிமியர் லீக் (டபிள்யு.பி.எல்.,) 4வது சீசனின் லீக் போட்டியில், குஜராத் அணி 20 ஓவரில் 9 விக்கெட் இழப்புக்கு 174 ரன் குவித்தது. அடுத்த சுற்று வாய்ப்பை தக்கவைத்துக் கொள்ள வேண்டிய கட்டாயத்தில் களமிறங்கிய குஜராத் அணிக்கு, பெத் மூனே உறுதுணையாக நின்றார்.
தொடக்க வீராங்கனைகளில் சோபி டெவின் (13) விரைவில் வெளியேறினாலும், அனுஷ்கா சர்மா 39 ரன் எடுத்து ஸ்கோருக்கு வேகம் சேர்த்தார். மிடில் ஆர்டரில் கேப்டன் ஆஷ்லே கார்டுனர் உள்ளிட்டோர் ஏமாற்றம் அளித்ததால், ரன் வேகம் குறைந்தது.
எனினும், நிலைத்த ஆட்டம் ஆடிய பெத் மூனே 46 பந்தில் 58 ரன் எடுத்து அரைசதம் கடந்தார். கடைசி ஓவர்களில் தனுஜா 21 ரன் சேர்த்தார். டில்லி அணிக்காக ஸ்ரீசரணி 4 விக்கெட் வீழ்த்தி, தனது சிறந்த பந்துவீச்சை பதிவு செய்தார்.
கருத்துகள்
இன்னும் கருத்துகள் இல்லை. முதலில் கருத்து சொல்லுங்கள்!
கருத்து சொல்லுங்கள்