40 வயதில் உலக மேடையில் ஜொலித்த வோசின்யா; ஒரே நாளில் 77 லட்சம் ரசிகர்களை பெற்ற கேப் வெர்டே கோல்கீப்பர்

கேப் வெர்டே நாட்டின் அனுபவம் மிக்க கோல்கீப்பர் வோசின்யா, தனது முதல் உலகக் கோப்பை போட்டியிலேயே அனைவரின் கவனத்தையும் ஈர்த்துள்ளார். 40 வயது 12 நாட்களில் உலகக் கோப்பை களத்தில் களமிறங்கிய அவர், சிறப்பான ஆட்டத்தால் ஆட்டநாயகன் விருதையும் வென்றார். இதன் மூலம் சமூக வலைதளங்களில் அவரது புகழ் வெகுவாக உயர்ந்து, இன்ஸ்டாகிராமில் அவரைப் பின்தொடர்பவர்களின் எண்ணிக்கை 50 ஆயிரத்திலிருந்து 77 லட்சமாக உயர்ந்துள்ளது. சிறிய தீவு நாடான கேப் வெர்டேவைச் சேர்ந்த வோசின்யாவின் வாழ்க்கைப் பயணம் போராட்டங்களால் நிரம்பியது. ஓய்வு பெற நினைத்த அவர், மனதை மாற்றி உலக மேடையில் தனது கனவை நனவாக்கியுள்ளார். தன்னை வளர்த்த தாத்தா, பாட்டியை நினைத்து போட்டிக்குப் பிறகு கண்ணீர் சிந்திய அவர், குடும்பத்தின் தியாகங்களை நெகிழ்ச்சியுடன் பகிர்ந்துள்ளார்.