செயின்ட் லூயிஸில் பிரக்ஞானந்தா அசத்தல்; சிந்தரோவை வீழ்த்தி முன்னேற்றம்

அமெரிக்காவின் செயின்ட் லூயிஸில் நடைபெற்று வரும் சின்க்யுபீல்டு கோப்பை செஸ் தொடரின் இரண்டாவது சுற்றில், இந்தியாவின் இளம் கிராண்ட்மாஸ்டர் பிரக்ஞானந்தா வெற்றி பெற்று கவனம் ஈர்த்துள்ளார். கிராண்ட் செஸ் டூரின் ஐந்தாவது மற்றும் இறுதித் தொடரான இந்தப் போட்டியில் உலகின் முன்னணி செஸ் வீரர்கள் பங்கேற்றுள்ளனர். இரண்டாவது சுற்றில், உலக சாம்பியன்ஷிப் போட்டிக்குத் தகுதி பெற்ற உக்ரைனின் சிந்தரோவை பிரக்ஞானந்தா எதிர்கொண்டார். வெள்ளைக் காய்களுடன் விளையாடிய பிரக்ஞானந்தா, தொடக்கம் முதல் நிதானமான ஆட்டத்தை வெளிப்படுத்தினார். 67வது நகர்த்தல் வரை இருவரும் சமநிலையில் இருந்தனர். ஆனால், 82வது நகர்த்தலில் சிந்தரோவ் செய்த தவறை திறமையாகப் பயன்படுத்திய பிரக்ஞானந்தா, 95வது நகர்த்தலில் வெற்றியை உறுதி செய்தார். இரண்டு சுற்றுகள் முடிவில், பிரக்ஞானந்தா உட்பட ஐந்து வீரர்கள் தலா 1.5 புள்ளிகளுடன் முதலிடத்தில் உள்ளனர்.