கிளாஸ்கோ உணவகத்தில் இந்திய வரைபடத் தவறு: லவ்லினாவை பாராட்டிய பிரதமர் மோடி

கிளாஸ்கோவில் உள்ள இந்திய உணவகத்தில் இடம்பெற்றிருந்த இந்திய வரைபடத்தில் வடகிழக்கு மாநிலங்கள் இடம்பெறாததை சுட்டிக்காட்டிய குத்துச்சண்டை வீராங்கனை லவ்லினாவை பிரதமர் மோடி பாராட்டினார். ஸ்காட்லாந்தின் கிளாஸ்கோவில் நடைபெற்ற காமன்வெல்த் விளையாட்டில் இந்தியா 13 தங்கம், 17 வெள்ளி, 9 வெண்கலம் என மொத்தம் 39 பதக்கங்களை வென்று பதக்கப்பட்டியலில் நான்காவது இடம் பிடித்தது. இதில் இந்திய குத்துச்சண்டை வீரர்கள் 7 தங்கம், 3 வெள்ளி என 10 பதக்கங்களை கைப்பற்றினர். போட்டி முடிந்த பின்னர் இந்திய குத்துச்சண்டை அணி கிளாஸ்கோவில் உள்ள பிரபல இந்திய உணவகத்திற்கு சென்றது. அங்கு வைக்கப்பட்டிருந்த இந்திய வரைபடத்தில் வடகிழக்கு மாநிலங்கள் இடம்பெறாததை கவனித்த லவ்லினா, உணவக நிர்வாகத்திடம் தனது எதிர்ப்பை தெரிவித்தார். தவறை திருத்துவதாக உணவக நிர்வாகம் உறுதியளித்தது. இதையடுத்து டில்லியில் பிரதமர் மோடியை சந்தித்த இந்திய விளையாட்டு வீரர்களிடம், லவ்லினாவிடம் நடந்த சம்பவம் குறித்து பிரதமர் கேட்டறிந்தார். அப்போது, இந்திய வரைபடத்தில் இருந்த தவறு தன்னை வேதனைப்படுத்தியதாகவும், அதனால் உடனடியாக உணவக நிர்வாகத்திடம் சுட்டிக்காட்டியதாகவும் லவ்லினா தெரிவித்தார். அவரை பாராட்டிய பிரதமர் மோடி, நாட்டின் வரைபடத்தை சரியாக பிரதிபலிக்க வேண்டியதன் முக்கியத்துவத்தை உணர்ந்து தவறை சுட்டிக்காட்டியது பாராட்டுக்குரியது என்று தெரிவித்தார்.