குல்தீப், நிகிடி மிரட்டல்; கொல்கட்டாவை வீழ்த்திய டில்லி

கிரிக்கெட் லீக் தொடரின் கடைசி லீக் போட்டியில், டில்லி அணி அபார ஆட்டத்தை வெளிப்படுத்தி கொல்கட்டா அணியை 40 ரன் வித்தியாசத்தில் வீழ்த்தி ஆறுதல் வெற்றி பெற்றது. முதலில் பேட்டிங் செய்த டில்லி அணிக்கு KL Rahul சிறப்பான ஆட்டத்தை வெளிப்படுத்தினார். அவர் 60 ரன்கள் எடுத்து அணிக்கு வலுவான அடித்தளம் அமைத்தார். அபிஷேக் போரெல் 22 ரன்களும், சாஹில் பராக் 24 ரன்களும் கைகொடுத்தனர். கேப்டன் Axar Patel 39 ரன்கள் எடுத்த நிலையில், கடைசி கட்டத்தில் டேவிட் மில்லர் 28 ரன்கள் விளாசி டில்லி அணியை 20 ஓவரில் 203/5 ரன் என்ற சவாலான ஸ்கோருக்கு கொண்டு சென்றார். 204 ரன் என்ற கடின இலக்கை துரத்திய கொல்கட்டா அணிக்கு தொடக்கத்திலேயே அதிர்ச்சி காத்திருந்தது. நிகிடி வேகத்தில் முக்கிய விக்கெட்டுகள் சரிந்ததால் அணி தடுமாறியது. கேப்டன் Ajinkya Rahane மட்டும் போராடி 69 ரன்கள் எடுத்தாலும், மற்ற வீரர்கள் நிலைக்கவில்லை. ராவ்மன் பாவெல் 29 ரன்கள் எடுத்த நிலையில், கொல்கட்டா அணி 18.4 ஓவரில் 163 ரன்னுக்கு ஆல் அவுட்டானது. டில்லி அணியின் பந்துவீச்சில் Kuldeep Yadav மற்றும் நிகிடி தலா 3 விக்கெட்டுகள் கைப்பற்றி வெற்றிக்கு முக்கிய பங்காற்றினர். இதன் மூலம் டில்லி அணி லீக் தொடரை ஆறுதல் வெற்றியுடன் நிறைவு செய்தது. கொல்கட்டா அணி தோல்வியுடன் தனது பயணத்தை முடித்தது.