மிலாது நபி நன்னாள்: முஸ்லிம் மக்களுக்கு பிரதமர் மோடி, முதல்வர் விஜய் வாழ்த்து

சென்னை: மிலாது நபி பண்டிகையையொட்டி, முஸ்லிம் மக்களுக்கு பிரதமர் மோடி மற்றும் தமிழக முதல்வர் விஜய் வாழ்த்து தெரிவித்துள்ளனர். பிரதமர் மோடி தனது வாழ்த்துச் செய்தியில், மிலாது நபி நன்னாள் அனைவரது வாழ்விலும் ஒற்றுமை, மகிழ்ச்சி மற்றும் நல்வாழ்வை அதிகரிக்கட்டும் என குறிப்பிட்டுள்ளார். இரக்கம் மற்றும் சமூக நலனுக்கான எண்ணம் அனைவரையும் தொடர்ந்து வழிநடத்த வேண்டும் என்றும் அவர் வாழ்த்தியுள்ளார். தமிழக முதல்வர் விஜய் வெளியிட்டுள்ள வாழ்த்தில், இறைத்தூதர் நபிகள் நாயகம் பிறந்த இந்நன்னாளில் இஸ்லாமிய சகோதர, சகோதரிகளுக்கு இதயம் நிறைந்த மிலாது நபி வாழ்த்துகளை தெரிவித்துள்ளார். மனிதர்கள் மீது அன்பு, ஏழை எளியோர் மீது இரக்கம், அனைவரிடமும் சமத்துவம் மற்றும் சகோதரத்துவம் ஆகிய உயரிய நெறிகளைப் பின்பற்றி, சமூகத்தில் அன்பும் நல்லிணக்கமும் வளர வேண்டும் என அவர் தெரிவித்துள்ளார். இந்த மிலாது நபி நன்னாளில் அனைவரது வாழ்விலும் மகிழ்ச்சி, நலம் மற்றும் வளம் பெருகட்டும் என்றும் முதல்வர் விஜய் வாழ்த்து தெரிவித்துள்ளார்.