பிரசித் கிருஷ்ணா, மானவ் சுதார் அபாரம்: இந்திய பவுலர்களின் பிடியில் இலங்கை

கொழும்பு சிங்கள ஸ்போர்ட்ஸ் கிளப் மைதானத்தில் நடைபெறும் இரண்டாவது டெஸ்ட் போட்டியில் இந்திய பவுலர்கள் சிறப்பாக செயல்பட்டு இலங்கை அணிக்கு நெருக்கடி கொடுத்துள்ளனர். இந்திய அணி 503/9 ரன்களுக்கு முதல் இன்னிங்சை டிக்ளேர் செய்த நிலையில், மூன்றாம் நாள் முடிவில் இலங்கை 265/8 ரன்கள் எடுத்துள்ளது. பிரசித் கிருஷ்ணா தனது வேகப்பந்துவீச்சால் முக்கிய விக்கெட்டுகளை வீழ்த்தினார். மானவ் சுதார் சுழற்பந்தில் தனஞ்சயா டி சில்வா உள்ளிட்ட வீரர்களை கட்டுப்படுத்தினார். ரவீந்திர ஜடேஜா, முகமது சிராஜ் ஆகியோரும் தலா ஒரு விக்கெட் கைப்பற்றினர். ஒருபுறம் இந்திய பவுலர்கள் விக்கெட்டுகளை வீழ்த்தினாலும், சோனல் தினுஷா நிதானமாக விளையாடி 85 ரன்களுடன் களத்தில் உள்ளார். இதனால் இலங்கை அணி பாலோ-ஆனை தவிர்க்க இன்னும் 39 ரன்கள் எடுக்க வேண்டியுள்ளது. இன்றைய ஆட்டத்தில் இலங்கையின் எஞ்சிய இரண்டு விக்கெட்டுகளையும் இந்திய பவுலர்கள் விரைவாக வீழ்த்தினால், போட்டியில் இந்திய அணிக்கு வலுவான முன்னிலை கிடைக்கும்.