நார்வே செஸ்: உலக சாம்பியன் குகேஷை வீழ்த்திய பிரக்ஞானந்தா, ஹாட்ரிக் வெற்றி சாதனை

நார்வே தலைநகர் ஓஸ்லோவில் நடைபெற்று வரும் நார்வே செஸ் தொடரின் 9வது சுற்றில் இந்தியாவின் இளம் கிராண்ட்மாஸ்டர் பிரக்ஞானந்தா, நடப்பு உலக சாம்பியன் குகேஷை வீழ்த்தி அசத்தினார். முன்னதாக 5வது சுற்றில் குகேஷிடம் தோல்வியடைந்திருந்த பிரக்ஞானந்தா, இந்த முறை கருப்பு காய்களுடன் சிறப்பாக விளையாடி 34 நகர்த்தல்களில் வெற்றியை பதிவு செய்தார். இதன் மூலம் தொடர்ச்சியாக மூன்றாவது வெற்றியை பெற்று ஹாட்ரிக் சாதனை படைத்துள்ளார். மற்றொரு ஆட்டத்தில் உலகின் நம்பர்-1 வீரரான மாக்னஸ் கார்ல்சன், அமெரிக்காவின் வெஸ்லே சோவிடம் அதிர்ச்சி தோல்வி அடைந்தார். ஒன்பது சுற்றுகள் முடிவில் வெஸ்லே சோ 15.5 புள்ளிகளுடன் முதலிடத்தில் உள்ளார். பிரக்ஞானந்தா 15 புள்ளிகளுடன் இரண்டாவது இடத்திலும், அலிரேசா 14.5 புள்ளிகளுடன் மூன்றாவது இடத்திலும் உள்ளனர். உலக சாம்பியன் குகேஷ் 8 புள்ளிகளுடன் கடைசி இடத்தில் உள்ளார்.